Na Lumingu 30 mai 2021, mpangi Hugues Kabitshwa ya kele mosi na kati ya bampangi ya Komite ya Filiale ya Congo (Kinshasa) basisaka Biblia—Mbalula ya Nsi-Ntoto ya Mpa ya Masonuku ya Kigreki ya Bukristu na Ndinga Alur. Yandi basisaka yo na manaka mosi ya bo kotisaka dezia ndinga na ntwala. Yo kele Biblia yina bo lenda sadila na baapareyi.

• Bantu ke tubaka ndinga Alur na Afrique centrale, mingi-mingi na nordi ya République démocratique du Congo mpi na Ouganda, insi mosi ya kele ndilu ti République démocratique du Congo

• Bantu kiteso ya 1 735 000 ke tubaka ndinga Alur

• Bampangi ya ke longaka nsangu ya mbote (bansamuni) kiteso ya 1 500 ke sadilaka Yehowa na mabundu 48 mpi na bimvuka ya ke salaka balukutakanu na ndinga Alur

• Bampangi 6 ya ke salaka kisalu ya kubalula bantu salaka kisalu yai. Bo salaka yo na bangonda kuluta 12

Mpangi Christian Belotti ya kele mpi na kati ya bampangi ya Komite ya Filiale ya Congo (Kinshasa) tubaka nde: “Bansamuni yina ke tubaka ndinga Alur ta zola kutanga Biblia yai. Yo ta sadisa bo na kutendula Masonuku mpi na kusadisa bantu ya nkaka na kubakisa kibeni Ndinga ya Nzambi mpi na kuzola yo.”—Luka 24:32.

Beto ke ndima nde Biblia yai ya me basika ta sadisa bampangi na beto ya babakala mpi ya bankento na kulanda kulonga “nsangu ya mbote ya mvula na mvula.”—Kusonga 14:6.