Kubika fioti, Tribinale ya Mbanza Norilsk na Teritware ya Krasnoïarsk ta zenga dikambu ya bampangi-babakala Aleksandr Polozov mpi Stepan Cheveliov. Zuzi ya nene (procureur) me tubila ntete ve ndola yina yina yandi ke zola nde bo pesa bo.

1. 20 octobre 2019

   Basoda ziungaka kisika mosi ya bantu ke lutisaka ntangu mpi ke salaka bansaka (terrain de camping) na mbanza Norilsk. Bo kangaka Bambangi ya Yehowa kuluta 50

2. 26 octobre 2019

   Bo kangaka mpangi Aleksandr mpi bo tulaka yandi na boloko sambu na mwa ntangu

3. 21 janvier 2020

   Na nima ya bangonda kiteso ya tatu, bo basisaka mpangi Aleksandr na boloko

4. 19 février 2020

   Bo tulaka mpangi Aleksandr na lisiti ya bantu ya ntu-ngolo mpi bamfumu buyisaka yandi na kubasisa mbongo na konti na yandi ya banki

5. 6 mai 2021

   Bo fundaka mpangi Stepan ti mpangi Aleksandr nde bo “me sala kimvuka mosi ya bantu ya ke salaka mambu ya mbi.” Bamfumu tubaka nde Stepan salaka mbi sambu yandi ke sambaka mpi ke longaka Ndinga ya Nzambi

Beto ke tula ntima nde Yehowa ta landa kusadisa bampangi na beto ya ke ‘landa kaka’ kusala mambu ya mbote ata bo ke monisa bo mpasi.—Bazuzi 8:4.