YULI 26, 2021
RUSSIE

“Bampasi ya Bo Vandaka Kupesa Mono Me Kumisaka Diaka Pene-Pene ti Yehowa”

TALA NA

Mutindu Mambu Salamaka

Na Oktobri 11, 2021, Tribinale ya Pavlovski na Teritware ya Krasnodar tubaka nde mpangi-bakala Skatchidoub salaka diambu mosi ya mbi. Yo yina bo zengilaka yandi bamvula iya mpi bangonda zole na boloko.
Desembri 30, 2020

Bo yantikaka kusambisa yandi
Yuli 23, 2020

Bo tulaka yandi na lisiti ya bantu ya mubulu
Yuni 23, 2020

Bo fundaka yandi ntete bonso muntu ya mubulu sambu yandi vandaka kulonga nsangu ya mbote

Bansangu ya Luzingu na Yandi

Vladimir Skatchidoub

Mvula mpi Kisika Yina Yandi Butukaka: 1961 na Pavlovskaïa na Teritware ya Krasnodar

Disolo ya Luzingu na Yandi: Yandi salaka kisalu ya kisoda mpi na nima yandi longukaka mambu ya tekiniki ya radio (technicien radio) na nzo-nkanda mosi ya Taganrog na provense ya Rostov. Bibuti na yandi fwaka ntangu yandi vandaka ti bamvula 25. Yandi vutukaka na bwala na bo sambu na kusadisa leki na yandi ya nkento Natalia yina vandaka ti bamvula 15 na ntangu yina. Leki na yandi yango fwaka na maladi ya kansere ya menga na 2003. Nsuka-nsuka Vladimir kumaka kusala na izine mosi ya vandaka kusala bapiese ya bakamio. Yandi ke sepelaka kubaka bafoto mpi kubula gitare.

Yandi kumaka ti nzala ya kulonguka mambu ya Biblia banda ntangu Natalia ti nduku na yandi Galina bandaka kusolula ti Bambangi ya Yehowa. Yandi yitukaka ntangu bo tendudilaka yandi disolo ya ke tubilaka lugangu mpi nsuka-nsuka yandi ndimaka kulonguka Biblia. Yandi yambulaka kunwa makaya mpi kulawuka malafu. Yandi kwelanaka ti Galina na 1997. Yandi bakaka mbotika na 1998 mpi Galina na 2016.

Mambu Yina Yandi Ke Tuba

Inki nge lombaka na Yehowa na ntangu bo kangaka nge?

Mono lombaka yandi na kupesa mono mpeve santu, na kutwadisa mono mpi na kupesa mono ngolo yina me luta bangolo yonso. Ntangu bo yantikaka kusosa kuzaba mambu ya mono salaka, . . . mono sambaka sambu na kusantisa zina ya Yehowa ntangu mono vandaka na ntwala ya muntu yina vandaka kuyula mono bangiufula. Na nsuka ya masolo, muntu yina sikisaka mono sambu mono vandaka luzitu.

Bampasi yina bo pesaka nge me pesa nge nki dilongi yina nge lenda sadila ntangu nge ta kutana ti bampasi ya nkaka na bilumbu ke kwisa?

Bampasi ya bo vandaka kupesa mono me kumisaka diaka kinduku na mono ti Yehowa ngolo mpi yo me longaka mono na kulemba ve na bantangu ya mpasi kansi na kutudila Yehowa ntima na mono ya mvimba.

Bonso mpangi Vladimir, beto ke tula kibeni ntima nde Yehowa ta landa kusadisa yandi ‘sambu yandi kanga kibeni ntima ti ntima ya nda mpi kiese.’—Bakolosai 1:11.

BANSANGU YA MPA