Kubika fioti, Tribinale ya Mbanza Sovetskaïa Gavan na teritware ya Khabarovsk ta sambisa dikambu ya mpangi Alekseï Oukhov. Prokirere (procureur) me tubila ntete ve ndola yina yandi ke zola nde bo pesa mpangi Alekseï.

1. 22 octobre 2020

   Basoda ya Russie kotaka na nzo ya mpangi Oukhov sambu na kusala baanketi. Bo botulaka baapareyi, bisadilu yina bo ke bingaka clés USB, ba carte SIM, ba carte ya banki, mikanda ya mpangi Alekseï mpi mikanda yina organizasio na beto me basisaka. Bo tulaka yandi na boloko sambu na mwa ntangu

2. 23 octobre 2020

   Tribinale zengaka nde bo tula yandi na boloko yina bo ke tulaka bantu na ntwala ya kusambisa bo

3. 9 juillet 2021

   Bo basisaka yandi na boloko mpi bo songaka yandi na kubikala kaka na mbanza Komsomolsk-sur-l’Amour kisika yina bo kangaka yandi

4. 6 septembre 2021

   Bo yantikaka kusambisa yandi

Beto ke ndima nde Yehowa ta landa kusakumuna mpangi Alekseï sambu yandi ke ‘tulaka ntima na Muntu yina ke sambisaka na lunungu.’—1 Piere 2:23.