13 JANVIER 2022
RUSSIE

Kutudila Yehowa Ntima Ke Sadisaka Mpangi-Bakala Ievstigneïev na Kulanda Kukangama na Yandi

TALA NA

Mutindu Mambu Salamaka

Kubika fioti, Tribinale ya Distrike ya Leninski na mbanza Nijni Novgorod ta zenga dikambu ya mpangi Kirill Ievstigneïev. Zuzi ya nene (procureur) me tubila ntete ve bandola yina yandi ke zola nde bo pesa mpangi Ievstigneïev
8 octobre 2021

Bo yantikaka kusambisa yandi. Mpangi Kirill tubaka nde yandi vukanaka ti bampangi sambu na kulutisa ntangu ti bo kansi ve sambu na kusambila Yehowa
24 août 2021

Bo buyisaka mpangi Kirill na kusala bavwayaze
2 septembre 2020

Sambu mpangi Kirill muntu vandaka kufutila nzo yina bo vandaka kulutisa ntangu, bamfumu fundaka yandi nde yandi “vandaka kupesa mbongo sambu na kusadisa mambu ya mubulu”
11 juillet 2019

Bamfumu landilaka kaka mpangi Kirill sambu yandi muntu tulaka siniatire na mukanda yina bo salaka sambu na kufutila nzo yina bo vandaka kulutisa ntangu. Yo yina basoda kotaka na nzo na yandi sambu na kusala ba-anketi (enquête)
4 juin 2019

Sambu bampangi vandaka kukutana kisika yina, bamfumu yantikaka kusala ba-anketi (enquête) na banzo ya bantu ya nkaka kansi bo tubaka ve bazina ya bantu yina bo vandaka kusosa mpenza
Avril 2019

Mpangi Kirill ti Bambangi ya Yehowa mingi ya nkaka ya mbanza Nijni Novgorod vandaka kufutila nzo mosi yina bo vandaka kulutisa ntangu

Bansangu ya Luzingu na Yandi

Kirill Ievstigneïev

Mvula mpi Kisika Yina Yandi Butukaka: 1979, na Mbanza Nijni Novgorod

Disolo ya Luzingu na Yandi: Yandi vandaka kuyidika bamasini yina bo ke sadilaka sambu na kutula bima mupepe (compresseurs d’air). Mama na yandi muntu longaka yandi Biblia. Bikalulu ya mbote yina yandi vandaka kumona na bampangi ya dibundu vandaka kuyitukisa yandi. Yandi bakaka mbotika na 1998. Yandi kwelanaka ti Anastassia na 2002

Mambu Yina Yandi Ke Tuba

Inki masolo ya Biblia ke sadisaka nge na ntangu yai ya mpasi?

Yozefi mwana ya Yakobi kutanaka ti bampasi ya ngolo mingi kuluta bampasi yai ya mono ke kutana ti yo. Ata mpidina, yandi landaka kukanga ntima mpi kutudila Yehowa ntima. Mbandu ya Yozefi mpi mutindu Nzambi sakumunaka yandi ke sadisaka mono na kulanda kukanga ntima.

Mambu yai ya nge me kutana ti yo me longa nge nki sambu na Yehowa?

Zina Yehowa ke tendula nde yandi lenda kumisa bansadi na yandi konso mutindu yina yandi ke zola sambu na kulungisa luzolo na yandi. Na lusadisu na yandi, beto lenda sala mambu yina beto yindulaka nde beto lenda kuka ve kusala ata fioti.

Mono me bakisaka mfunu ya kutudila Yehowa ntima. . . . Na kisika ya kuyindula nki bampasi mono lenda kutana ti yo, mono ke yindulaka mambu ya mono ta sala sambu na kulanda kulemfukila Yehowa mpi kumonisila bampangi zola. Na lusadisu ya Yehowa, mono lenda landa kukangama na yandi mpi kukanga ntima na konso mpasi yina mono lenda kutana ti yo.

Kikesa yina mpangi Kirill, nkento na yandi mpi bampangi na beto yonso ya babakala ti bankento ke monisa na Russie ti na Crimée mpi mutindu bo ke kanga ntima na bampasi, yo ke sadisa beto na kulanda kaka kutudila Yehowa ntima.—Bafilipi 1:13, 14.

BANSANGU YA MPA