1. Kubika fioti Tribinale ya Mbanza Partizansk ya Teritware ya Primorié ta zenga dikambu ya mpangi-nkento Irina Buglak. Zuzi ya nene (procureur) me tubila ntete ve ndola yina yandi ke zola nde bo pesa mpangi-nkento yai

2. Augusti 6,2021

   Bo vutulaka dosie ya mpangi Irina na Tribinale ya Partizansk sambu na kusambisa yo diaka

3. Novembri 30, 2020

   Bo vutulaka dosie yina na biro ya zuzi yina ya nene sambu bo monaka ve ata mbi mosi yina mpangi Irina salaka

4. Yanuari 31, 2020

   Bo basisaka yandi na boloko na nima ya bilumbu 107

5. Oktobri 16, 2019

   Bo basisaka yandi na boloko na nima ya kulutisa bilumbu 179 kuna mpi na nima bo tulaka yandi na nzo mosi yina bo vandaka kukengila

6. Aprili 20, 2019

   Na 3:00, basoda ya Russie kotaka na nzo ya mpangi Irina. Bamfumu fundaka yandi nde yandi vandaka kusadisa mpi kutwadisa balukutakanu ya dibundu. Yo yina bo nataka yandi na kisika mosi yina bo kangaka yandi. Kuna bo yikaka mbala tatu bilumbu yina bo zengilaka yandi ntete.

7. Aprili 19, 2019

   Basoda ya Russie nana kotaka na ngolo na nzo ya mpangi-nkento Nelly Tarassiouk yina vandaka ti bamvula 80. Mpangi-nkento Irina ti mwana na yandi ya nkento Natalia vandaka mpi na kati ya bampangi-bankento mingi yina vandaka na nzo yango. Ntangu basoda ya Russie kotaka na nzo, mpangi-nkento Nelly belaka mpi bo nataka yandi na opitale. Bo kangaka bampangi-bankento yina ya nkaka mpi bo sambisaka bo mpimpa ya mvimba. Na nima bo tulaka mpangi Irina na boloko.

Beto ke samba sambu Yehowa kulanda kusadisa mpangi-nkento Irina mpi bampangi na beto yonso ya babakala ti ya bankento yina kele Russie na kukanga ntima ti ntima ya nda mpi kiese.—Bakolosai 1:11.