Na Septembri 16, 2020, Tribinale ya provense ya Penza zengaka dikambu ya bampangi-babakala yai Vladimir Alouchkine, Vladimir Kouliassov, Andreï Magliv, Denis Timochine mpi ya bampangi-bankento Tatiana Alouchkina ti Galia Olkhova. Bo pesaka ntete mpangi-bakala Alouchkine ndola ya bamvula sambanu ya boloko kansi tribinale kitisaka yo na bamvula iya. Ata mpidina, yandi ta baka ve ndola yai na kati ya boloko. Beto kele na kiese ya mingi sambu yandi ta vutuka ve na boloko. Ata bampangi na beto yina ya nkaka mpi ta kota ve na boloko, tribinale me soba ve bandola ya boloko yina bo zengilaka bo.