AUGUSTI 18, 2021
RUSSIE
Mpangi Viktoria Verkhotourova Kele Kaka na Kiese Ata Bo Me Zengila Yandi Boloko
Ndonga Yina Mambu Salamaka
Na Novembri 29, 2021, Tribinale ya Distrike ya Priokski na Nijni Novgorod zengaka nde mpangi-nkento Viktoria Verkhotourova me fwa nsiku mpi bo zengilaka yandi boloko ya bamvula iya. Kansi yandi ta kota ve boloko sesepi
Yuli 17, 2020
Bo zengaka nde mpangi Viktoria fwete salaka diaka ve banzietelo
Marsi 26, 2020
Leta yantikaka kulandila mpangi Viktoria
Yuli 17, 2019
Bapolisi kumi ti muntu mosi ya ke sosaka bima na banzo ya bantu kotaka na nzo ya mpangi Viktoria mpi salaka bangunga 5 na kati. Bo kabulaka Viktoria ti bakala na yandi Sergueï. Bo tulaka Viktoria na kanzo ya nkaka. Bapolisi yina songaka Viktoria nde luzingu ke vandaka mpasi na boloko. Bo salaka mutindu yina sambu na kubangisa yandi
Bansangu na Yandi
Ata bampangi na beto ya babakala mpi ya bankento ke kutana ti mbangika na insi Russie, Yehowa ke sadisa bo na kulanda kuvanda na kiese. Beto me zaba nde yandi ta landa kupesa bampangi yai ya beto ke zolaka mingi ‘kiese mpi ngemba.’—Baroma 15:13.