Na Kizole 24 janvier 2023, Tribinale ya Distrike ya Kouznetski na nziunga ya Kemerovo, zengaka nde mpangi Sergueï Souchilnikov fwaka nsiku mpi bazuzi zengilaka yandi nkanu ya bamvula sambanu na boloko kansi yandi ta lutisa yo ve na boloko. Na ntangu yai, yo ke lomba ve nde yandi kota boloko.

1. Novembre 2019

   Bantu ya ke salaka bansosa yidikaka telefone ya mpangi Sergueï na mpila nde bo yantika kuwa masolo yonso ya yandi vandaka kusolula na telefone mpi kufilme nzo na yandi

2. 3 juin 2021

   Bo yantikaka kulandila yandi

3. 8 juin 2021

   Basoda vandaka kusosa-sosa bima na nzo na yandi. Bo nataka Sergueï ti nkento na yandi sambu na kuyula bo bangiufula

4. 15 juillet 2021

   Bo yikaka yandi na lisiti ya bantu ya ke salaka mubulu, mpi bo kangaka bakonti na yandi ya banki

5. 8 février 2022

   Bo fundaka yandi nde yandi yidikaka bisalu ya kimvuka mosi ya bantu ya ntu-ngolo mpi nde yandi ke landa kusala mambu yina. Bo tudilaka yandi bandilu na yina me tala kubasika

6. 30 mars 2022

   Bo yantikaka kusambisa yandi

Kuzaba nde Yehowa ta pesaka ntangu yonso bansadi na yandi yina me kangamaka ti yandi lusadisu na “bantangu ya mpasi” ke pesa beto kikesa.—Nkunga 46:1.