25 MAI 2022
RUSSIE
NSANGU YA MPA | “Kikuma ya Kuwa Boma Kele Ve”
Na Kitatu 25 mai 2022, Tribinale ya Distrike ya Metallourguitcheski na Tcheliabinsk bedisaka mpangi Pavel Popov mpi zengilaka yandi boloko ya bamvula sambanu. Kansi yandi ta kota ve boloko sesepi.
Mutindu Mambu Salamaka
26 mars 2019
Kimvuka mosi ya bantu yina lwataka bamaske, ya vandaka ti minduki mpi marto kotaka na kingolo-ngolo na nzo ya mpangi Pavel mpi kumaka kusosa-sosa bima
22 avril 2021
Bo yantikaka kusambisa yandi
18 mai 2021
Bapolisi kwendaka sambu na mbala ya zole na nzo ya Pavel sambu na kusosa-sosa bima. Bo nataka Ielena nkento ya Pavel ti mwana na bo ya nkento ya bamvula 13 sambu na kuyula bo bangiufula
31 août 2021
Bo sonikaka zina na yandi na lisiti ya bateroriste mpi ya bantu ya ntu-ngolo
29 novembre 2021
Bo yantikaka kusambisa yandi
Bansangu ya Luzingu na Yandi
Beto ke ndima nde Yehowa ta sadisa bansadi na yandi ya me kangamaka na yandi, bansadi yina ya kikesa mpi ya ke vandaka kaka ti lukwikilu ya ngolo ata bo ke niokwama mpi yandi ta sakumunaka bo kaka.—2 Samuele 22:19-21.