1. Na Novembri 26, 2021, Tribinale ya provense ya Pskov tadilaka diaka mukanda yina mpangi Khabarov kotisaka sambu na kulomba nde tribinale kutadila diaka mambu na yandi. Bo vutulaka dikambu na yandi na tribinale ya ntete sambu zuzi ya nkaka kulandila yo. Ata mpidina, yandi ta kota ve boloko ntangu yai

2. Septembri 7, 2021

   Tribinale ya distrike ya Porkhovski na Pskov pesaka mpangi Alekseï Khabarov ndola ya bamvula tatu. Kansi yandi ta kota boloko

3. Oktobri 29, 2020

   Bo yantikaka kusambisa mpangi Alekseï

4. Augusti 28, 2020

   Bo fundaka mpangi Alekseï nde yandi vandaka kupesa maboko na “balukutakanu ya dibundu” yina bandimi na yo ‘vandaka kulonga bantu ya nkaka mambu ya bo ke kwikilaka, kutanga Biblia, kutubila mambu ya Biblia mpi kuyimba bankunga ya dibundu na bo’

5. Februari 7, 2020

   Bo sambisaka diaka na mbala ya zole mpangi Alekseï. Na ntangu bo vandaka kusambisa yandi, yandi bakisaka nde na 2018, bamfumu widikilaka masolo yina yandi vandaka kusolula na telefone na yandi mpi bo bakaka ndinga ya masolo yango

6. Yanuari 31, 2020

   Bo fundaka mpangi Alekseï mpi bo buyisaka yandi na kusala ba voyage

7. Mayi 24, 2019

   Mpangi Alekseï sonikaka mukanda na mfumu mosi ya Pskov ya ke salaka na Kimvuka mosi ya Ke Nwaninaka Banswa ya Bantu. Mpangi Alekseï tubaka nde yandi kele ve muntu ya mbi kansi nde yandi kele muntu ya masonga ya ke kwikilaka na Nzambi. Ntangu Mfumu yina tangaka mambu yina mpangi Alekseï sonikilaka yandi, yandi tubaka nde mpangi Alekseï kele ti nswa ya kupona mambu yina yandi fwete kwikila mpi kusambila Nzambi na dibundu yina yandi kele

8. Aprili 3, 2019

   Basoda kotaka na kingolo-ngolo na nzo ya mpangi Alekseï sambu na kusala baanketi, bo botulaka bima na yandi ya nkaka mpi bamfumu sambisaka yandi

Bonso mpangi Alekseï, beto ke ndima mpenza nde Yehowa ke sadisaka ntangu yonso bansadi na yandi na ‘kuvanda kikesa mpi ngolo na ntima.’—Nkunga 27:14.