Na kilumbu ya Kizole, Yuni 9, 2020, Tribinale ya Mbanza Pskov tubaka nde Mpangi Guennadi Chpakovski salaka diambu mosi ya mbi mpi bo zengilaka yandi boloko ya bamvula sambanu ti ndambu. Mpangi Guennadi kele ti bamvula 61. Bo nataka yandi mbala mosi na boloko. Yai kele ndola ya bamvula mingi yina bo me pesaka ntete ve mpangi mosi banda Tribinale ya Nene ya Insi Russie me tubaka nde mambu ya beto ke salaka na yina me tala lusambu ke fwaka bansiku ya leta. Mpangi Guennadi Chpakovski ta lomba nde bo tadila diaka lukanu yina.