Na Oktobri 14, 2020, Tribinale ya mbanza Ivanovo ndimaka lukanu yina tribinale ya ntete bakaka na Yuli 2020 ya kubedisa mpangi Evguéni Spirine mpi ya kufutisa yandi amande. Prokirere (procureur) vandaka kulomba nde bo sambisa diaka mpangi Spirine kansi tribinale ya provense buyaka kusambisa yandi diaka. Ntembe kele ve nde prokirere ta lomba nde bo tadila diaka lukanu yai ya nsuka sambu yandi ke zola kaka nde mpangi Spirine kukota na boloko bamvula nsambwadi mutindu yandi lombaka yo dezia.