Na oktobri 23, 2020, Tribinale ya distrike ya Oktiabrski na mbanza Kirov bedisaka mpangi Anatoli Tokarev mpi zengilaka yandi amande ya 500 000 roubles (6 552 dollars américains). Yandi kele ti bilumbu kumi sambu na kulomba nde tribinale kutadila diaka lukanu yina.

Na mambu ya nsuka yina mpangi Tokarev tubaka na tribinale, yandi tubaka ti kikesa yonso nde: “Ntangu bo vandaka kusambisa mono, yo vandaka bonso nde bapolisi vandaka kusonga mono nde: ‘Nge me fwete buya mambu ya nge ke ndimaka, . . . kana ve, nge ta baka ndola ya ngolo na meso ya bantu.’ . . . Mono tubaka nde: Mfumu kaka mutindu mono tubaka na kilumbu ya ntete ya bo yantikaka kusambisa mono mpi mono ke vutukila yo diaka bubu yai nde, mono ta buya ve Nzambi. . . . Ya kieleka bonso Bambangi ya Yehowa yonso, mono ke banga nde bo tula mono na boloko to bo fwa mono, mpi mutindu bamfumu ke tuba nde bo kele muntu ya mbi, bo ke bebisa lukumu na mono na meso ya bantu yo vanda mono me sala ve ata kima mosi ya mbi. Ata mpidina Mfumu, mono ta buya ve ata fioti Nzambi na mono sambu kana mono sala yo yandi ta zola mono diaka ve.”