Na Septembri 25, 2020, Tribinale ya distrike ya Ielizovo na provense ya Kamtchatka bedisaka mpangi Konstantin Bajenov ti nkento na yandi Snejana mpi mpangi-nkento Vera Zolotova. Prokirere (procureur) lombaka ntete nde mpangi Bajenov ti nkento na yandi kufuta amande ya 600 000 roubles (7 850 dollars américains) mpi yandi futisaka amande ya 400 000 roubles (5 195 dollars américains) na mpangi-nkento Zolotova. Diaka tribinale pesaka bo ndola ya bamvula zole ya boloko, ata mpidina bo ta kota ve na boloko. Bo yikaka bo mpi bangonda sambanu ya bandola ya nkaka. Mpangi Bajenov ti nkento na yandi mpi mpangi-nkento Zolotova kele na kiese ya mingi sambu bo ta kota ve na boloko mpi bo ta futa ve amande yina.