Na Mayi 28, 2021, Tribinale ya Mbanza Omsk buyaka kutadila mukanda yina mpangi-bakala Sergueï Poliakov ti nkento na yandi Anastassia mpi bampangi-nkento Gaoukhar Bektemirova ti Dinara Dioussekeïeva kotisaka sambu na kulomba nde tribinale kutadila diaka lukanu ya bo bakaka sambu na bo. Mpangi-bakala Poliakov fwete bikala na boloko mpi bandola ya boloko yina bo zengilaka bampangi na beto tatu ya bankento kele kaka. Ata mpidina, bo ta kota ve boloko.