Na Kiya 20 Janvier 2022, tribinale ya mbanza Snezhinsk na provense ya Chelyabinsk zengilaka mpangi-nkento Lyudmila Salikova nkanu ya boloko ya bamvula sambanu. Yandi ta kota ntete ve na boloko bilumbu yai.

1. Novembre 2020

   Bapolisi ya mbanza Snezhinsk kotaka na banzo ya mabuta iya ya Bambangi ya Yehowa. Bo kotaka mpi na nzo ya mpangi Lyudmila. Bo kwendaka mpi na kisika mpangi-nkento yai ke salaka kisalu. Na nima, bo katulaka mpangi yai na kisalu na kingolo-ngolo

   26 Août 2021

2. Bo fundaka mpangi Lyudmila nde yandi ke salaka balukutakanu ya dibundu yina Leta me buyisaka mpi yandi ke sadilaka mikanda yina Leta me buyisaka

3. 8 Décembre 2021

   Bo yantikaka kusambisa yandi

Yehowa ke landa kupesa kikesa mpi ngolo na bampangi na beto ya Russie. Nzambi na beto ya zola ke ndimisa beto nde yandi “ta zenga mambu na lunungu sambu na mwana yina me konda tata mpi bantu yina bo me bedisaka, sambu muntu ya ntoto kupesa bo diaka boma ve.”— Nkunga 10:18