Beto me katuka kuwa nde zuzi ya nene (procureur) A. A. Chatounov, yina ke salaka na Biro ya Zuzi ya Nene ya Koursk, me katuka kukotisa mukanda mosi yina ta sala nde bo basisa diaka ve mpangi Dennis Christensen na boloko na ntwala nde bamvula ya boloko yina bo zengilaka yandi kulunga. Ba avoka ya mpangi Dennis Christensen ta kotisa mpi mukanda sambu na kubuya mambu yina zuzi yina ya nene ke zola. Ata mpidina bamposo mingi ta luta diaka na ntwala nde bazuzi kuvutukila diaka mambu yai. Bo tulaka mpangi Christensen na kisika yina yandi fwete vanda yandi mosi bilumbu 10. Ata mambu me soba diaka mutindu yai, mpangi Christensen kele mbote. Matondo sambu na bisambu yina beno ke landa kusala sambu na mpangi Christensen ti nkento na yandi.