Union européenne ti États-Unis me basisa mikanda zole ya kuswaswana sambu na kutubila mawa na bo mutindu bamfumu ya Russie ke sadila Bambangi ya Yehowa mambu na mutindu ya mbi. Mikanda yina ke monisa nde mambu yina luyalu ya Russie ke tuba nde kana bo buyisa Dibundu ya Bambangi ya Yehowa yo ta kanga ve konso Mbangi ya Yehowa nzila ya kusambila mutindu yandi me zola, kele mambu ya luvunu. Union européenne ke tuba nde “mambu yina bamfumu ya Russie ke tuba ke wakana ve ti yina bo ke sala.” Na kutadila mambu yina bamfunu ya Russie ke tuba ti yina bo ke sadila Bambangi ya Yehowa, États-Unis ke tuba nde “bo ke sala ve mambu yina bo ke tuba.”

Na ntangu yai, bamfumu ya Russie me kanga bakala nana ya Bambangi ya Yehowa mpi bo ke sala ba-enketi 12 na bambanza 11. Ata bo ke botula bampangi bima mingi mpi yo ke pesa beto mpasi, mambu ya mpasi yina konso Mbangi ya Yehowa ya bo ke niokula sambu na lukwikilu na yandi ke kutana ti yo ke yangisa beto mingi kibeni.

Union Européenne ti États-Unis ke lomba bamfumu ya Russie na kuzitisa mambu yina bo wakanaka na yina me tala kimpwanza ya mabanza, ya dibundu mpi ya balukwikilu.

Adresi ya ta sadisa na kuzaba mambu yina bo tubaka:

https://www.osce.org/permanent-council/381820

https://www.osce.org/permanent-council/381823