Na Mayi 3, 2018, tribinale ya Saint-Petersbourg ta tadila lukanu yina bazuzi bakaka ya kubotula babiro ya ke twadisaka kisalu ya Bambangi ya Yehowa na Russie. Bambangi ya Yehowa bantu lombaka nde bazuzi kutadila yo diaka. Kana bo me buya kutadila diaka lukanu yina bazuzi bakaka mutindu Bambangi ya Yehowa lombaka yo, bamfumu ta sala mambu na kuwakana ti lukanu yina mpi leta lenda botula mbala mosi babiro yina ya Bambangi ya Yehowa.

Na mbala me luta, tribinale ya distrike ya Sestroretsk tadilaka ve mikanda yina ke monisa nde Babiro yina ke twadisaka kisalu ya Bambangi ya Yehowa na Russie kele babiro ya Watch Tower Bible and Tract Society of Pennsylvania (WTPA), kimvuka mosi ya ke sosaka ve kukotisa mbongo; yo kele na États-Unis. Babiro yai me kumaka ya kimvuka yina banda bamvula 17 mpi yo ke futaka mpaku sambu na babiro yai. Kansi na Desembri 7, 2017, tribinale ya distrike yina tubaka nde bo lenda sadila diaka ve kontra yina bo tulaka sianiatire. Kana bazuzi me buya kutadila lukanu yai mpi bo buyisa Bambangi ya Yehowa na kukotisa diaka ve mikanda sambu na kulomba nde bo tadila diaka lukanu yina, bo ta nata mambu yai ya kukonda lunungu na Tribinale ya Ke Nwaninaka Banswa ya Bantu na Eropa.

Bo ta tadila diaka mambu yai na Mayi 3, 2018 na 11 h 30 na tribinale ya Saint Pétersbourg, ul. Bassenay, 6, na Saint Pétersbourg na Russie.