Na Februari 22, 2018, zuzi Aleksey Rudnev ya Tribinale ya Distrike ya Zheleznodorozhniy na mbanza Orel (to Oriol) bakaka lukanu nde bo fwete bikisa Dennis Christensen sambu na mwa ntangu na boloko tii na Augusti 1, 2018. Bamfumu ke sambisaka M. Christensen sambu yandi vandaka kusala mambu ya dibundu yina bamfumu tubaka nde yo kele dibundu mosi ya ke salaka mambu ya nku. Bo kangaka yandi na lukutakanu mosi ya Bakristu, ntangu bapolisie kwisaka kukota na lukutakanu yango na Mayi 2017.

Bo yantikaka kusambisa yandi na Februari 19. Ntangu bo vandaka kusambisa yandi, zuzi tubaka nde yandi ta baka lukanu kilumbu ya nkaka sambu na mambu yina bandambu yonso zole lombaka. Kansi, ntangu bo vutukilaka kusambisa yandi na Februari 22, zuzi buyaka kutadila mambu yonso yina ba avocats ya M. Christensen lombaka na kutadila mpi yandi bakaka lukanu ya kulomba nde Christensen kulanda kuvanda na boloko sambu na mwa ntangu. Bo ta vutukila kutadila mambu yai na Februari 26 na 14 h 30.

Bambangi ya Yehowa ya ntoto ya mvimba ke kudiyangisa mingi sambu na M. Christensen mpi ke samba sambu nkento na yandi Irina kulemba ve nitu ata bakala na yandi kele ve. Bo tulaka yandi na boloko sambu na mwa ntangu bangonda uvwa me luta dezia.