Na kilumbu ya Mposo 15 Janvier 2022, poto-poto ya tiya basikaka na volcan mosi ya ke vandaka na nsi ya Nzadi-Mungwa ya Pacifique mpi yo salaka nde masa kufuluka mingi na kisanga ya Tonga. Bantu yina vandaka na Amérique du Sud mpi na Japon monaka mpi malanda ya mambu yai ya salamaka kuna. Pusiere ya basikaka na volcan yina mpi masa yina fulukaka na Tonga bebisaka bima mingi. Yo yangisaka luzingu ya bantu yina ke zingaka kuna.

• Ata mpangi na beto mosi ve lwalaka to bukanaka

• Bo tulaka Komite mosi ya Ke Pesaka Lusadisu na Bantu Yina Me Bwila Mpasi

• Bampangi-babakala ke sadisa bampangi yina bwilaka mpasi yai na kukatula pusiere na baludi ya banzo na bo. Yo ta sala nde masa ya mvula kukotaka na batanki mpi na kubumbaka masa ya kunwa

• Ntangu bampangi ke sala bisalu yai yonso sambu na kusadisa bampangi yina me bwila mpasi, bo ke zitisa bansiku ya me tala kuditanina sambu na kubaka ve maladi ya coronavirus

Bampangi vutukilaka nswalu inmambu ya kimpeve ya bo ke salaka mbala na mbala mpi bo ke twadisa mbala na mbala balukutakanu. Beto me zaba nde Yehowa ta monisa nde yandi kele ‘nsadisi mpi muntu ya ke lembikaka’ sambu na bampangi na beto ya babakala mpi ya bankento yina me bwila mpasi yai.—Nkunga 86:17.