Na Kitatu 26/09/2018, Tribinale ya Nene ya “République populaire de Donetsk” (RPD) tubaka nde dibundu ya Bambangi ya Yehowa kele dibundu ya bantu ya ntu-ngolo. Yo yina bo buyisaka mambu na beto ya lusambu. Ntangu bo vandaka kusambisa diambu yango, yo vanda zuzi ya nene (procureur) yina fundaka organizasio na beto to bazuzi yina sambisaka dikambu yango, bo solulaka ve ata ti Mbangi ya Yehowa mosi. Mambu ya me tala kuniokula Bambangi ya Yehowa ke kuma kaka ngolo mpi awa bo me buyisa lusambu na beto na nziunga yina.

Luzingu ya bampangi na ke kuma kaka mpasi na Donetsk mpi na Louhansk, na ndambu ya esti ya Ukraine yantika kaka ntangu Tribinale ya nene ya République populaire de Donetsk tubaka nde mikanda na beto ya nkaka kele mikanda ya “bantu ya ntu-ngolo” na 2017. Na mvula yina, bapolisi yulaka bampangi na beto kuluta 170 bangiufula. Bamfumu ya babwala yina me botulaka mpi Banzo na beto ya Kimfumu (bisika beto ke vukanaka sambu na kusambila Yehowa). Na Kitatu 29 août 2018, bo botulaka Banzo ya Kimfumu 16.

Ata bamfumu ke nwanisa bampangi na beto ya babakala mpi ya bankento ya babwala yina sambu na lusambu na bo, bampangi ke landa kutula ntima na ‘Nzambi yina ke gulusaka.’ (Nkunga 18:46)