Organizasio ya Bambangi ya Yehowa ke zitisaka banswa ya bantu na yina me tala kubumba kinsweki. Sambu na kuzaba bansiku yina organizasio ya Bambangi ya Yehowa ya ntoto ya mvimba ke sadilaka sambu na Kutanina bansangu ya Bantu, bweta awa.

Bansiku ya me tala kubumba bansangu ya bantu ke monisa mutindu organizasio ya Bambangi ya Yehowa ke sadilaka bansangu ya bantu. Diaka na site Internet yai, bo me sadila bansiku ya siki-siki mpi bo me tendula yo awa na nsi.

Site Internet yai kele ya Watchtower Bible and Tract Society of New York, Inc. (“Watchtower”), kimvuka mosi ya kele na New York. Kimvuka yai ke salaka ve mumbongo. Yo ke pesaka maboko na bisalu ya Bambangi ya Yehowa mpi na kisalu ya kulonga bantu Biblia. Ba serveurs ya nkaka yina Site Internet yai ke sadilaka kele na États-Unis.

Bo ta sadila bansangu yina nge me pesa na site Internet yai kaka sambu na lukanu yina bo tubaka ntangu nge tindaka bansangu yango.

Beto ke pesaka ve bansangu na nge na konso muntu ya nkaka katula kaka kana yo ke lomba kusala mutindu yina sambu na kusadila nge mambu yina nge me lomba, mpi na nima ya kuzabisa nge yo, to kana beto ke yindula nde kuzabisa bansangu yina kele mfunu kibeni sambu na kusala mambu na kuwakana ti bansiku ya leta, to sambu na kukanga to kubuya muyibi, sambu na kutanina mambu, to sambu na mambu ya nkaka. Kana nge ke sadila site Internet yai, yo ke tendula nde nge me pesa beto nswa ya kuzabisa bansangu na nge na bantu ya nkaka kaka sambu na bikuma yai. Beto ta teka ve, ta kabula ve, mpi ta defisa ve ata nki mutindu konso nsangu yina nge me pesa.

Basite ya Bantu ya Nkaka. Bantangu ya nkaka, site yai ta vukana ti basite ya bantu ya nkaka yina beto me ndimaka sambu na kusadisa beto na kusala bisalu na beto (mu mbandu, kufulusa baformilere na Internet). Nge ta bakisa nde nge kele na site Internet ya bantu ya nkaka sambu site yango ta monana mutindu ya nkaka mpi kisika yina nge ke sonikaka adresi na nge kana nge me kota na Internet ta vanda mutindu ya nkaka. Ntangu beto ke solaka basite Internet ya bantu ya nkaka, mbala na mbala beto ke tadilaka mutindu bo ke bumbaka kinsweki mpi bansangu ya bantu sambu na kuzikisa kana bo ke sadilaka bansiku ya mutindu mosi ti ya beto. Kana nge kele ti bangiufula na yina me tala bansiku ya basite Internet ya bantu ya nkaka, tala bansiku yina bo me tulaka na basite na bo.

Beto ke tulaka dikebi ya mingi na yina me tala kutanina bansangu ya muntu. Beto ke sadilaka bakode ya ngolo, mu mbandu Transport Layer Security (TLS) sambu na kutanina bansangu ya bantu. Beto ke sadilaka systeme informatique ya ke vandaka ve ti banswa yonso yina kele na banzo yina bo ke sadilaka bansiku sambu na kutanina kinsweki ya bantu, bansangu yina bo me pesa beto, bisadilu ya elektronike mpi mambu ya nkaka.

Adrese e-mail yina nge ke sonika ntangu nge ke kangula konti na site Internet yai, bo ta sadila yo sambu na kusolula ti nge sambu na konti na nge. Mu mbandu, kana nge vila zina ya kusadila na konti na nge (nom d’utilisateur) to nimero ya ke sadisaka nge na kukangula ordinatere (mot de passe) mpi nge ke zola nde bo sadisa nge na kukota na site yai, bo ta pesa nge lusadisu na nzila ya nsangu yina bo ta tindila nge na adrese e-mail yina nge sonikaka na bansangu na nge.

Kana nge pesa makabu ya mbongo na nzila ya Internet, beto ta baka zina na nge, adresi ya nzo to ya Internet mpi nimero na nge ya telefone. Sambu na kundima makabu na nzila ya karte na nge ya banki, beto ke sadilaka metode yina bo ke bakilaka mbongo na nzila ya Internet ya kele ti lutaninu mpi ke bumbaka kinsweki. Beto ke bumbaka ve to ke vandaka ve ti nswa ya kuzaba bansangu ya karti na nge ya banki, ya nimero ya konti na nge ya banki to bansangu ya nkaka ya me tala konti na nge kana nge me tinda yo na nzila ya bametode yina. Adresi yina nge ta tindila makabu ta bumba sambu na bamvula kumi bansangu ya mbongo yina nge ta tinda. Yo ta bumba dati yina nge ta tinda makabu, ntalu ya mbongo, mpi metode ya nge ta sadila. Yo ta sadisa beto na kusala mambu na kuwakana ti bansiku ya bo ke sadilaka na bakonti mpi ta pesa mvutu na bangiufula yina nge lenda yula na nsungi yina nge ke tinda mbongo. Beto ta binga nge ve sambu na kulomba makabu ya nkaka.

Nge lenda tinda bansangu na nge mosi (mu mbandu zina na nge, adresse postale na nge mpi nimero na nge ya telefone) sambu na bikuma ya nkaka katula kupesa makabu to kukangula konti (mu mbandu kulomba nde muntu kulonguka Biblia ti nge ya ofele). Beto ke bakaka, ke bumbaka, mpi ke sadilaka bansangu yina kaka sambu na bikuma yina nge tindilaka yo mpi kaka na nsungi yina yo kele mfunu.

Beto ta baka bansangu ya nkaka mbala mosi kana nge me kota na site na beto. Beto ke bakaka bansangu yai na nzila ya ba “cookie” (programe mosi ya ke vandaka na ordinatere sambu na kuyibuka mambu yina muntu sosaka na Internet), ya “web beacons” (balises web), mpi ya mambu ya nkaka ya mutindu mosi. Na bansiku yai ya me tala kubumba kinsweki, beto ke sadila ve ngogo cookie na siki-siki yonso, yo ke tadila mpi mambu ya nkaka ya mutindu mosi mu mbandu “stockage des données locales.”

Ba Cookie. Bonso basite Internet ya nkaka, kana nge sadila apareyi na nge sambu na kukota na site Internet yai, yo lenda bumba ndambu ya bansangu (cookie) na telefone na nge, na tableti na nge to na disque dure ya ordinatere na nge. Ba cookie kele ya mutindu na mutindu yina ke salaka bisalu mingi mpi yina mbala mingi ke tomisa mayele na nge sambu na site Internet. Ba cookie lenda sadisa beto na kuzaba kana nge kotaka na site Internet na ntwala mpi yo lenda sadisa beto na kuyibuka mambu yina nge ponaka mpi ke zolaka ntangu nge ke sadilaka site Internet. Mu mbandu, bo lenda bumba ndinga yina nge ponaka na cookie sambu ntangu nge ta kota diaka na site Internet, ndinga yina kubasika mbala mosi. Beto ke sadilaka ve ba cookie sambu na kusala piblisite.

Na site Internet yai, beto me sadila mitindu tatu ya ba cookie:

1. Ba Cookie ya Mfunu Kibeni​—Ba cookie yai kele mfunu sambu na kusadisa nge na kusadila mambu ya nkaka ya site Internet, mu mbandu kukota to kutinda baformilere na nzila ya Internet. Kana ba cookie yai kele ve, mambu yina nge ke lomba mu mbandu kupesa makabu ta simba ve. Yo ke tadila mpi ba cookie yina ke pesaka beto nzila ya kupesa nge mambu yina nge ke lomba ntangu nge ke sala bansosa. Ba cookie yai ke bumbaka ve bansangu na nge yina bo lenda sadila sambu na kusala piblisite to kuyibuka kisika yina nge kotaka na Internet.

2. Ba Cookie ya Bisalu​—Bo ke sadilaka ba cookie yai sambu na kupesa site Internet nzila ya kuyibuka mambu yina nge me pona (mu mbandu, zina ya nge ke sadilaka, ndinga, mpi kisika nge kotaka na Internet) mpi ke monisaka mambu ya bo me tomisa sambu na kutomisa mayele na nge na Internet.

3. Ba Cookie ya Ke Talaka Mambu (Analytique Cookies)​—Bo ke sadilaka yo sambu na kuvukisa bansangu ya bantu yina me sadila site Internet yai, mu mbandu ntalu ya bantu yina me kota to bangunga yina muntu mosi me sala na site Internet yai. Bo ke sadilaka bansangu yai kaka sambu na kutomisa mutindu site Internet yai ke salaka.

Site Internet na beto ke tulaka ba cookie ya nkaka na kitini ya ntete. Basite ya nkaka ke tulaka ba cookie ya nkaka na kitini ya tatu. Beto ke sadilaka kaka ba cookie ya kitini ya ntete, kansi beto ke sadilaka ba cookie ya kitini ya tatu kaka kana yo ke wakana ti Google reCAPTCHA. Beto ke sadilaka Google reCAPTCHA sambu na kuswaswanisa bantu yina me sadila baordinatere sambu na kutina yina bo ke bingaka spam automatique. Tala bansiku yina Google ke sadilaka sambu na kubumba kinsweki na https://www.google.com/intl/en/policies/privacy/.

Web Beacons. Bapage ya site Internet na beto lenda vanda ti ba fichier électronique ya fioti-fioti yina bo ke bingaka web beacons yina ke pesaka beto nzila ya kusonika kisalu yina nge salaka, mu mbandu ntangu nge kotaka na page mosi buna. Beto ke sadilaka web beacons sambu na kuzikisa mutindu bantu ke sadila site Internet yai mpi kuzikisa mutindu yo ke sala.

Kusadila Ba Adrese IP. Adrese IP kele kode yina ke salaka nde bo zaba ordinatere na nge na Internet. Beto ke sadilaka Adrese IP mpi kisika ya kusala bansosa sambu na kuzikisa mutindu bo ke sadila site yai, kuzaba mambu yina ke kwendila ve mpi kutomisa kisalu yina beto ke sadilaka beno.

Nsola na Nge. Baprograme mingi yina ke sadisaka na kukota na Internet (navigateurs) lenda pesa nge nzila ya kukanga ba cookie to ya kubaka lukebisu na ntwala nde apareyi na nge kubumba cookie mosi buna. Tadila bansiku ya navigateur ya nge ke sadila sambu na kuzaba mutindu ya kusala yo. Kansi zaba nde kana ba cookie kele ve, nge ta kuka ve kusadila mbote mambu yonso yina kele na site Internet na beto.

Bo me tulaka ba script sambu na kutomisa site yai. Yo ke sadisaka site yai na kutinda nswalu bansangu yina nge ke lomba. Site yai ke sadilaka ve ba script sambu na kutula (installer) baprograme na ordinatere na nge to sambu na kubaka bansangu yina nge me pesa ve nswa.

Sambu bitini ya nkaka ya site kusala mbote, nge fwete ndima ba script to JavaScript na navigateur na nge. Ba navigateur mingi ke sadisaka bantu na kukangula to na kukanga ba script sambu na basite Internet ya nkaka. Tala lusadisu (aide) ya navigateur sambu na kuzaba mutindu ya kukangula ba script ya basite yina nge me zola.

Nge lenda sadila site Internet yai, kubaka mikanda, bavideo mpi baprograme ya kuwidikila kukonda kufuta mbongo. Sambu na kusadila site Internet yai, yo ta lomba ve nde nge kangula konti, nge pesa makabu to nge sala kima mosi ya ta lomba nde nge pesa bansangu na nge. Kansi kana na luzolo yonso nge me baka lukanu ya kukangula konti, ya kupesa makabu, ya kulomba nde bo longuka ti nge Biblia ya ofele, nge ta monisa nde nge me ndima bansiku yai ya me tala kubumba kinsweki mpi bansangu; kubumba bansangu na ba serveur yina kele na Etats-Unis; kuvukisa, kuzikisa, kutinda mpi kubumba bansangu ya bantu na Watchtower mpi na bimvuka yina ke pesaka Bambangi ya Yehowa maboko na bansi ya mutindu na mutindu kana yo kele mfunu sambu na kutala mbote-mbote kima ya nge me lomba. Muntu yina ke bakaka bansangu ta swaswanisa bansangu na kutadila mutindu nge ke solulaka ti site Internet yai. Mu mbandu kana nge pesa makabu na biro ya filiale ya insi mosi buna, biro yina ta mona zina na nge, adresi mpi nimero na nge ntangu nge ke pesa makabu yina. Mbandu ya nkaka, kana nge me lomba nde muntu kulonguka Biblia ti nge, filiale mosi ya Bambangi ya Yehowa ta mona formilere na nge mpi ta lungisa mpusa na nge.

Kana nge ke kuka ve kupesa bansangu yina bo ke lomba sambu na kukangula konti, kupesa makabu to sambu na kusadila site Internet ya ke lomba nge bansangu yina, beto ta kuka ve kulungisa mpusa na nge.

Kana yo ke lomba nde beto soba bansiku na beto na yina me tala kubumba kinsweki mpi bansangu, beto ta tula bansoba yina na page yai sambu ntangu yonso beno zaba bansangu yina beto ke lomba mpi mutindu beto ke sadila yo.

Kana nsiku ke pesa nswa, nge lenda vanda ti banswa ya nkaka ya ke wakana ti bansangu na nge. Yo lenda tadila nswa ya kukota (kusadila), ya kuyidika to ya kuvwansa bansangu na nge yina nge pesaka beto na nzila ya site Internet yai. Kana insi yina nge kele ke sadilaka nswa yai, nge ta mona bansangu ya nkaka awa. Kana nge ke lomba bansangu na nge sambu na kupesa makabu, solula ti biro ya filiale yina nge ke zola kupesa makabu yina nge me mona na ntangu nge ke sala mambu sambu na kupesa makabu yina mpi tula mukanda yina nge me sonika makabu yango.