Ngogo Evolisio Ke Tendula Nki?
Ngogo Evolisio Ke Tendula Nki?
Ngogo “evolisio” lenda tendula: “Mutindu kima mosi ke sobaka na kulanda ndonga mosi buna.” Kansi, ngogo yai kele ti bantendula mingi. Mu mbandu, bo ke sadilaka yo sambu na kutubila bansoba ya nene ya ke salamaka na bima yina ke vandaka ve ti luzingu, disongidila mutindu zulu ti ntoto vandaka kusoba. Diaka, bo ke sadilaka ngogo yai sambu na kutubila bansoba ya fioti-fioti ya ke salamaka na bima yina ke zingaka, disongidila mutindu banti mpi bambisi ke yikamaka ti kisika yina yo ke zingaka. Kansi, bantu ke sadilaka yo mingi sambu na kutendula dilongi yai ya ke tubaka nde luzingu me katukaka na bima yina ke vandaka ve ti luzingu mpi nde bima yai salaka ba cellule yina ke butaka ba cellule ya nkaka ya mutindu mosi mpi nde yo sobaka malembe-malembe sambu na kukuma bima ya ke zingaka, mu mbandu muntu yina kele mpi na kati ya bima yango mpi yina me luta bima ya nkaka na mayele. Disolo yai ta sadila ntendula yai ya tatu sambu na kutubila ngogo “evolisio.”