MUTINDU YA KUBUYA KUMENGA BANTU YA NKAKA
1 | Kupona-Pona Ve l
Biblia Ke Tuba Nde:
“Nzambi ke pona-ponaka ve, kansi na konso dikanda yandi ke ndimaka muntu yina ke tinaka yandi boma mpi ke salaka mambu ya mbote.”—BISALU 10:34, 35.
Mambu Yina Yo Ke Tendula:
Yehowa * Nzambi ke sambisaka beto ve na kutadila insi na beto, mutindu beto kele, kulere ya mpusu na beto to mutindu beto ke zingaka. Kansi yandi ke tulaka dikebi na bangindu mpi banzala yina beto ke vandaka ti yo. Biblia ke tuba diaka nde: “Muntu ke monaka yina ke monikaka na meso, kansi Yehowa ke monaka na ntima.”—1 Samuele 16:7.
Mambu ya Nge Lenda Sala:
Ata beto lenda zaba ve bantu mbote bonso Nzambi, beto lenda landa mbandu na yandi ya kukonda kupona-pona. Sala kikesa ya kutadila muntu yandi mosi na kisika ya kuvukisa kimvuka ya bantu. Kana nge me mona nde nge kele ti bangindu ya mbi sambu na bantu ya nkaka, mu mbandu bantu yina nge kele ve ti bo mpusu mosi to insi mosi, samba Nzambi mpi lomba yandi na kusadisa nge na kukatula bangindu yina ya mbi. (Nkunga 139:23, 24) Kana nge samba Yehowa na masonga yonso mpi nge lomba yandi na kusadisa nge na kubuya kikalulu ya kupona-pona, vanda ti kundima nde yandi ta wa kisambu na nge mpi yandi ta sadisa nge.—1 Piere 3:12.
^ par. 6 Yehowa kele zina ya Nzambi.—Nkunga 83:18.
“Mono me lutisaka ntete ve ntangu ti mundele mosi na ngemba yonso . . . Bubu yai, mono kele na kati ya kimvuka ya bampangi ya ntoto ya mvimba.”—TITUS
Nge Lenda Sepela Mpi Ti
NZOZULU YA NKENGI
Yehowa “Ke Pona-Ponaka Ve”
Nzambi ke waka bisambu ya bansadi na yandi kukonda kutala mpusu, insi, to luzingu na bo. Inki mutindu beto me zaba yo?
TELAMA!
Bangindu ya Mbi Sambu na Bantu ya Nkaka—Keti Nge Kele Ti Yo?
Inki lenda monisa nde beto kele ti bangindu ya mbi sambu na bantu ya nkaka?
