Biblia kele ti bandongisila yina lenda pesa beto kikesa mpi ngolo ya beto kele na yo mfunu sambu na kunwana ti bangindu ya mbi. Nsangu ya kele na Biblia ke monisaka nde ntama ve maladi ya kuniokwama na mabanza ta vanda diaka ve.

Beto yonso ke vandaka ti basusi bantangu ya nkaka; kansi bantu yina ke belaka maladi ya basusi to ya ke niokwamaka na mabanza ke vandaka ti yo ntangu yonso. Inki mutindu Biblia lenda sadisa bo?

• Biblia ke vandaka ti bangindu mingi ya mbote yina lenda yinga bangindu na beto ya mbi. (Bafilipi 4:8) Yo lenda sadisa beto na kukuma ti bangindu mingi ya ke pesa kikesa mpi ya ke bwisa ntima yina ta sadisa beto na kuyala bangindu na beto.​—Nkunga 94:18, 19.

• Biblia lenda sadisa beto na kukatula bangindu yonso ya kukonda mfunu.​—Luka 12:6, 7.

• Baverse mingi ya Biblia ke ndimisaka beto nde beto kele ve beto mosi mpi nde Nzambi, Muntu yina salaka beto ke bakisaka mbote-mbote mutindu beto ke kudiwaka.​—Nkunga 34:18; 1 Yoane 3:19, 20.

• Biblia ke tubaka nde Nzambi ta katula bangindu yonso ya mbi ya ke pesaka beto mpasi. (Yezaya 65:17; Kusonga 21:4) Ntangu beto ke niokwama na mabanza mpi kele ti bangindu ya ke pesa boma, mambu yai ya Biblia ke tubaka lenda sadisa beto na kukangila yo ntima.