Bantu ya nkaka ke kwikilaka nde Nzambi ke monaka ve bampasi na bo mpi ke kudiyangisaka ve sambu na yo.

• Nzambi ke monaka mpi ke kudiyangisaka

  “Yehowa monaka nde mambi ya muntu vandaka mingi na ntoto . . . , mpi yandi waka mawa na ntima.”—Kuyantika 6:5, 6.

• Nzambi ta katula bampasi yonso

  “Kubika kaka fioti, mpi bantu ya mbi ta vanda diaka ve; nge ta tala kisika yina bo vandaka, mpi bo ta vanda ve pana. Kansi bantu ya kudikulumusa ta baka ntoto, mpi bo ta wa kiese mingi kibeni na ngemba ya mingi.”—Nkunga 37:10, 11.

• Mambu yina Nzambi ke zolaka sambu na nge

  “‘Mono me zaba mbote bangindu yina mono ke yindula sambu na beno,’ Yehowa muntu me tuba, ‘bangindu ya ngemba, kansi ya mpasi ve, sambu na kupesa beno makwisa mpi kivuvu. Beno ta binga mono, beno ta kwisa, mpi beno ta samba mono, ebuna mono ta wa beno.’”—Yeremia 29:11, 12.

  “Beno kwenda pene-pene na Nzambi, ebuna yandi ta kwisa pene-pene na beno.”—Yakobo 4:8.