Mutindu ya Kulonguka
Keti nge ke bakaka mambote na bantendula ya baverse ya Biblia yina kele na Mukanda ya Bansosa Sambu na Bambangi ya Yehowa?
Bantendula yina lenda sadisa nge na kuzaba mambu mingi ya mudindu na Ndinga ya Nzambi. Yo lenda tubila mutindu mambu vandaka kusalama ntangu bo sonikaka verse mosi ya Biblia, sambu na nki bo sonikaka yo, yo vandaka kutadila banani, to ntendula ya bangogo to ya bansa yina bo me sadila na verse yango.
Kana nge kele na BIBLIOTHÈQUE EN LIGNE™ to na JW Library® nge lenda bweta na verse mosi mpi yo ta nata nge na Mukanda ya Bansosa. Nge lenda zwa bareferanse yina na noti ya kulongukila ya konso mbalula ya Biblia yina kele na JW Library® to na BIBLIOTHÈQUE EN LIGNE™
Ntangu nge ke sadila bareferanse yina, tula dikebi mingi na badati na yo. Masolo ya mpa ke basikaka na zulu kansi na nsi ya liste yina lenda vanda ti masolo ya ntama yina bo me sobaka bantendula na yo.
Baverse yina bo ke pesaka bareferanse na Mukanda ya Bansosa ke vandaka mbala mosi na BIBLIOTHÈQUE EN LIGNE.
Sambu bareferanse kubasika na baverse na JW Library, baka Mukanda ya Bansosa ya me katuka kubasika ntama mingi ve. Sambu na kubaka yo, bweta na zulu ya noti ya kulongukila ya kapu mosi ya Biblia.
