Beto yonso ke vandaka ti ntangu yina beto me tulaka sambu na kulonguka na beto mosi. Inki mutindu beto lenda sadila ntangu yina mbote? Ntete, baka ntangu ya kufwana sambu na kulonguka. Nge ta baka mambote mingi kana nge ke longuka mambu fioti malembe-malembe na kisika ya kulonguka mambu mingi ntinu-ntinu.

Yo yina, pona mambu ya mfunu yina nge fwete longuka ntete. (Baef. 5:15, 16) Mwa mambu yai lenda sadisa nge:

• Tanga Biblia konso kilumbu. (Nk. 1:2) Manaka ya lutangu ya Biblia ya kati-kati ya mposo lenda sadisa nge mpi.

• Yidika Nzozulu ya Nkengi ya Kulonguka mpi lukutakanu ya kati-kati ya mposo. Yidika mbote bakomantere yina nge ta pesa.​—Nk. 22:22.

• Kana nge kele ti ntangu, tanga mikanda yina bo ke basisaka sambu na bantu yonso. Tala bavideo mpi tala masolo ya nkaka yina ke basikaka na jw.org.

• Longuka disolo mosi yina ke sepedisa nge. Nge lenda sala bansosa sambu na diambu mosi ya mpasi yina nge ke kutana ti yo mpi ngiufula mosi yina nge kele ti yo to disolo mosi ya Biblia yina nge ke zola kubakisa mbote. Tala mpi kitini “Sambu na kulonguka ya Biblia” na jw.org.