Masolo ya Nkaka na “Nzozulu ya Nkengi” Yai
Bampangi mingi ke sadilaka JW Library® sambu na kuyidika balukutakanu mpi bo ke sepelaka ti yo mingi sambu yo ke nataka mbala mosi na masolo ya Nzozulu ya Nkengi yina beto ta longuka. Kansi mbala mingi, Nzozulu ya Nkengi ya kulonguka ke vandaka mpi ti masolo ya nkaka yina ke vandaka ti madia ya kimpeve. Inki mutindu nge lenda zwa masolo yina na JW Library mpi yo sadisa nge?
Na JW Library, na nsuka ya konso disolo ya kulonguka ya Nzozulu ya Nkengi, kele ti kantu-diambu: “Tanga Mpi.” Na nsi ya kantu-diambu yina, bweta na “Masolo ya nkaka na Nzozulu ya Nkengi yai.” Nge ta mona masolo ya nkaka ya kele na nimero yina. Kuna kele ti bantu-diambu ya masolo ya kulonguka mpi banimero na yo. Bweta na ntu-diambu ya disolo ya nkaka yina nge ke zola kutanga.
Na lutiti ya luyantiku ya JW Library, na kitini “Nouveautés,” baka konso Nzozulu ya Nkengi ya mpa yina ke basika. Kangula Nzozulu ya Nkengi yina nge me katuka kubaka mpi kota na masolo ya kele na nimero yina sambu nge tanga masolo yonso.
