MAMBU YINA NGE LENDA LONGUKA
Mutindu ya Kukanga Ntima na Mambu ya Mbi
Tanga Kuyantika 37:23-28; 39:17-23 sambu na kubaka malongi na mbandu ya Yozefi ya kukanga ntima na mambu ya mbi.
Tadila mambu yina kele na ntwala mpi na nima ya disolo yina. Sambu na nki bantu ya nkaka sadilaka Yozefi mambu ya mbi? (Kuy. 37:3-11; 39:1, 6-10) Bantangu ikwa Yozefi kangaka ntima na mambu ya mbi yina bo vandaka kusadila yandi? (Kuy. 37:2; 41:46) Na ntangu yina, nki mambu Yehowa salaka sambu na Yozefi mpi nki yandi salaka ve?—Kuy. 39:2, 21; w23.01 17 § 13.
Longuka na mudindu. Biblia ke tuba ve nde Yozefi tubaka ata kima mosi sambu na kumonisa nde nkento ya Potifare kusilaka yandi makambu. Inki mutindu baverse ya ke landa lenda sadisa beto na kuzaba sambu na nki mbala ya nkaka Yozefi tubaka ve ata kima to sambu na nki yo lombaka kaka ve nde Biblia kutubila mambu yonso? (Bing. 20:2; Yoa. 21:25; Bis. 21:37) Mbala ya nkaka nki bikalulu sadisaka Yozefi na kukanga ntima?—Mika 7:7; Luka 14:11; Yak. 1:2, 3.
Baka malongi. Kudiyula nde:
-
‘Inki mambu ya mbi bo lenda sadila mono sambu mono kele longoki ya Yezu?’ (Luka 21:12, 16, 17; Baeb. 10:33, 34)
-
‘Inki mono lenda sala banda bubu yai sambu yo sadisa mono na kukanga ntima na mambu ya mbi yina bo lenda sadila mono?’ (Nk. 62:7, 8; 105:17-19; w19.07 2-7)
