Kitini “Nouveautés” kele na JW Library^® mpi na jw.org. Yo ke monisaka bima ya mpa yina me katuka kubasika. Inki mutindu nge lenda sadila kitini yina sambu na kuzwa bansangu ya mpa ya me katuka kubasika?

• Kana bo me basisa disolo mosi, bo ke yikaka yo na ndonga ya masolo yina yo fwete vanda mpi bo ke yidikaka masolo yango. Yo yina ntangu disolo mosi me basika na kitini “Nouveautés,” nge lenda baka diaka kitini yina ya kele ti disolo ya mpa yina me basika. Na nima nge lenda tanga disolo yina ya mpa na zulu ya liste ya masolo ya kele na kitini yina. Yo ke vandaka ti badati.

• Nge lenda kuka ve kutanga mikanda ya nene ya mvimba na mbala mosi mu mbandu, bazulunalu. Sambu na kutanga yo ya mvimba, nge lenda yika yo na ba Favoris sambu yo sadisa nge na kulanda kutanga yo kukonda mpasi. Kana nge me manisa kutanga yo, nge lenda katula yo na liste ya ba Favoris.

Bansangu ya nkaka mu mbandu barapore ya mpa mpi baluzayisu ya nkaka ke basikaka kaka na jw.org kansi ve na JW Library. Kuvila ve na kutala mbala na mbala kitini “Nouveautés” sambu na kumona bima ya mpa yina me basika.