Mutindu ya Kusala Bansosa
Bima ya Kulongila Bana
Bibuti kele ti mukumba ya nene ya kulonga bana na bo mambu ya Yehowa. (Baef. 6:4) Organizasio ya Yehowa me basisaka masolo, bavideo mpi bankunga mingi sambu na kusadisa bibuti na kulonga bana na bo. Inki mutindu nge lenda sadila yo sambu na kulonga bana na nge?
Sosa bima yina nge kele ti mfunu na yo. JW.ORG kele ti bima mingi yina bo me basisaka sambu na baleke, mu mbandu bavideo mpi mikanda. a Sambu na kuzwa yo, sonika “Bana” to “Batoko” na kisika ya kusala bansosa.
Pona masolo yina ta sadisa mingi mwana na nge. Na nsi ya kitini “Bana,” nge lenda zwa bavideo, bankunga mpi mambu ya nkaka yina ta sadisa mingi mwana na nge. Sambu na kuzwa yo, sosa “Sambu na Lusambu ya Dibuta.”
Baka ntangu ya kulonguka yo ti mwana na nge. Kubika ve nde mwana na nge kutala bavideo yina yandi mosi to kufulusa balutiti yina ya kulongukila yandi mosi kaka sambu na kulutisa ntangu. Kansi tubila yo ti yandi mpi sadisa yandi na kukumisa ngolo kinduku na yandi ti Yehowa.
a JW Library® kele ti bavideo yonso sambu na baleke ya kele na ndinga na beno. Kansi balutiti ya kufulusa sambu na kulongukila kele ve mingi.
