Kitoko ya Nima Kezingaka Mingi

MUKRISTU MOSI YA KWIKAMA YA MEKUMA MUNUNU KUTUBAKA NDE: “MWANA-BAKALA KEFWANISAKA KITOKO YA MESO TI BIKALULU YA MBOTE.”

Ya kyeleka, mbala mingi bantu ketulaka dikebi mingi kuluta na kitoko ya meso, ebuna yo kenataka bo na kukonda kupesa valere na bikalulu ya mbote ya ntima. Kansi, Ngangi na beto ketalaka kimuntu yina beto ke na yo na ntima, yandi ketalaka ve kimuntu na beto ya nganda. Ebuna, yandi mepesaka beto mbandu ya kuluta kitoko yina fwete sadisa beto na kubaka badesizio ya kemonisa nde beto kele bantu ya kuyela. Kana beto tala Biblia, Nzambi yandi mosi ketuba nde: “Mono ke talaka ve yina ke monika na meso. Muntu ke talaka yina ke monika na meso, kansi Mfumu Nzambi ke talaka ntima.”​—1 Samuele 16:7.

Nzambi kele Nto ya kitoko ya kyeleka ya bantu, mpi Ndinga na yandi kesonga beto nde kana beto kesosa kuzaba valere ya kyeleka ya muntu, beto fwete tala ntete bikalulu na yandi ya kimpeve. Biblia ketuba nde: “Kitoko ya meso ke kusaka, yo mpi ke vilaka, kansi nkento yina ke zitisaka Mfumu Nzambi bo fweti kumisa yandi.” (Bingana 31:30) Ya kyeleka, kitoko ya nganda lenda bumba bikalulu ya nzanzi na ntima. (Estere 1:10-12; Bingana 11:22) Ata kitoko ya nitu lenda vila na nima ya bamvula, kitoko ya ntima, disongidila bikalulu yina kele na ntima, lenda kuma mingi mpi kuzinga mingi.

Yo yina, yo kele mpenza mayele na kuyedisa bikalulu bonso zola, kyese, ngemba, kukanga ntima, ntima ya mbote, kusala mambote, lukwikilu, ntima pete, mpi kudiyala! (Galatia 5:22, 23) Ebuna beto lenda kuma na kitoko ya ntima yina kezingaka mingi mpenza.​—1 Piere 3:​3, 4.