Biblia Lenda Sadisa Nge na Kuzwa Kyese
Biblia Lenda Sadisa Nge na Kuzwa Kyese
ATA Biblia kele ve mukanda mosi ya ketendulaka bamaladi ti mutindu ya kusansa yo, yo kemonisaka malanda ya mbote to ya mbi yina mawi lenda vanda na yo na mabanza ya muntu ti na nitu na yandi. Biblia ketuba nde: “Ntima ya kiese kele bonso nkisi na kubelula bantu, kansi ntima ya mawa kele bonso ndikila.” Beto ketanga dyaka nde: “Kana nge kele kikesa ve na ntangu ya mpasi, [ngolo na nge takuma fyoti, NW].” (Bingana 17:22; 24:10) Mawi ya kulemba nitu lenda manisa beto ngolo, mpi kusala nde beto konda ngolo ti kikesa ya kuvanda ti mpusa ya kusoba to ya kusosa lusadisu.
Kulemba nitu lenda vanda mpi ti bupusi na kimpeve ya muntu. Bantu yina keyindulaka nde bo kele mfunu ve kekudiwaka mbala mingi nde bo lenda kuka ve ata fyoti na kuvanda ti bangwisana ya mbote ti Nzambi mpi yandi lenda sakumuna bo ve. Simone, yina beto tubilaka na disolo ya ntete, kuvandaka ti badute na kundima nde “Nzambi lendaka kundima muntu bonso yandi.” Kansi, ntangu beto ketangaka Ndinga ya Nzambi, Biblia, beto kesengumunaka nde Nzambi kendimaka bantu yina kesalaka kikesa sambu na kusepedisa yandi.
Nzambi Kekudibanzaka Mpenza
Biblia ketubila beto nde “Yehowa kele penepene ti bayina kele na ntima ya kupasuka; mpi yandi kegulusaka bayina kele na mabanza ya kupasuka.” (NW) Nzambi kebuyaka ve “ntima ya kupasuka mpi ya kubukanabukana,” kansi yandi kesila “muntu yina ke monaka mawa na ntima, ke kudikulumusaka” nde yandi tapesa “yandi diaka kikesa ti ngolo.”—Nkunga 34:18; 51:17, NW; Yezaya 57:15.
Na okazio mosi, Yezu, Mwana ya Nzambi, kumonaka nde yo vandaka mfunu nde yandi tendudila Matayo 10:29-31) a Yezu kumonisaka nde ata bantu lenda vanda ti bangindu ya nki mutindu sambu na kimuntu na bo mosi, bantu yina kele ti lukwikilu kele mpenza mfunu na meso ya Nzambi. Nkutu, ntumwa Piere keyibusa beto nde: “Nzambi ke zolaka bantu yonso mutindu mosi. Na konso dikanda ya bantu yandi ke ndimaka bantu yina ke zitisaka yandi ti ke salaka mambu ya mbote.”—Bisalu 10:34, 35.
balongoki na yandi nde Nzambi kemonaka mambu ya mbote yina kevandaka na kati ya ntima ya bansadi na Yandi. Na nsadisa ya kingana mosi, yandi monisaka nde Nzambi kemonaka ntangu mwano kebwaka na ntoto. Dyambu yai lenda monana mfunu mingi ve na meso ya bantu mingi. Yandi monisaka mpi nde Nzambi kezabaka mambu yonso ya fyotifyoti ya metala bantu, ata ntalu ya bansuki yina kele na ntu na bo. Sambu na kusukisa kingana na yandi, yandi tubaka nde: “Yo yina, beno kuwa boma ve; ata bandeke kele mingi, kansi beno me luta bo na mfunu!” (Vanda ti Mabanza ya Bukatikati
Ndinga ya Nzambi kelongisila beto na kuyedisa mabanza ya bukatikati na mutindu ya beto kekuditadilaka beto mosi. Na ngolo ya mpeve santu, ntumwa Polo kusonikaka nde: “Sambu na [mambote ya mu mefwana ve na kubaka, NW] yina ya Nzambi pesaka mono, . . . mono ke tubila beno yonso nde: beno lenda kudisonga ve. Kansi beno vanda na mabanza ya mbote ya kukonda lulendo; konso muntu na kati na beno, yandi yindula nki mutindu kele lukwikilu yina ya Nzambi pesaka yandi.”—Roma 12:3.
Ya kyeleka, beto tasosa ve kuyindula nde beto kele mfunu mingi na kiteso yina takumisa beto lulendo; beto tasosa mpi ve kuvanda ti mabanza ya mbi yina tanata beto na kuyindula nde beto kele mfunu ve ata fyoti. Kansi, lukanu na beto ya ntetentete fwete vanda ya kuyedisa mabanza ya bukatikati na yina metala beto mosi, ngolo na beto ti bandilu na beto. Mukristu mosi ya nkento kutubilaka dibanza yango mutindu yai: “Mu kele ve muntu ya mbi; mu meluta mpi ve bantu yankaka. Mu kele ti bikalulu ya mbote ti ya mbi, bonso bantu yankaka yonso.”
Ntembe kele ve nde, kukuma ti mabanza ya bukatikati ya mutindu yai kele pete ve. Yo lenda lomba kusala kikesa mingi sambu na kukatula mabanza mingi ya mbi ya beto kevandaka na yo sambu na beto mosi, yina beto meyedisaka mbala yankaka tuka bamvula mingi. Kansi, na lusadisu ya Nzambi beto lenda soba kimuntu na beto ti mutindu na beto ya kutadila luzingu. Nkutu, yo yina dyambu Ndinga ya Nzambi kelongisila beto na kusala. Beto ketanga nde: “Beno bikisa bikalulu na beno yina ya ntama, sambu yo vandaka kubenda beno na kuzinga luzingu yina ya beno vandaka na yo ntete. Na bikalulu na beno yina ya ntama, beno vandaka na nzala yina kuvandaka kukusa beno, ebuna yo vandaka kubenda beno na lufwa. Ntima na beno ti mabanza na beno yo fweti vanda ya mpa mpenza. Beno lwata bikalulu ya mpa mutindu beno ke lwataka bilele na beno. Bikalulu yina me fwanana na Nzambi yina salaka yo, yo ke monikaka na luzingu yina kele ya mbote, ya santu ti ya kieleka.”—Efezo 4:22-24.
Kana beto kesala kikesa sambu na kukumisa ‘mabanza na beto ya mpa,’ disongidila, mawi ya kuluta ngolo yina kevandaka na mabanza na beto, beto lenda soba kimuntu na beto na mpila nde yo yambula bangindu ya mbi mpi yo kuma ti bangindu ya mbote. Lena, yina beto tubilaka na disolo ya ntete, kubakisaka nde mawi yina yandi vandaka na yo sambu na yandi mosi kumanaka kaka na
ntangu yandi katulaka dibanza ya kumona nde ata muntu mosi ve lendaka kuzola yandi to kusadisa yandi. Inki ndongisila ya mbote ya Biblia kusadisaka Lena, Simone, ti bantu yankaka na kusoba mutindu yina?Minsiku ya Biblia Yina Keyikaka Kyese
“Bikila Mfumu Nzambi kilo na nge, yandi ta sadisa nge.” (Nkunga 55:23) Kima ya ntetentete yina lenda sadisa beto na kuzwa kyese ya kyeleka kele kisambu. Simone ketuba nde: “Konso ntangu yina mu kewaka kulemba na nitu, mu kesalaka kisambu na Yehowa sambu na kulomba yandi lusadisu. Na mambu yonso ya mu mekutanaka na yo, mu kewaka mutindu yandi kepesaka mono ngolo ti lutwadisu.” Ntangu muyimbi-bankunga kelongisila beto na kupesa Yehowa kilo na beto, yandi keyibusa beto nde Yehowa kekebaka beto kaka ve kansi yandi kemonaka beto mpi nde beto mefwana na kubaka lusadisu na yandi. Na mpimpa ya Paki ya mvu 33 ya T.B., balongoki ya Yezu kuvandaka na mawa sambu na mambu yina Yezu kutubilaka bo nde kubika fyoti yandi kekwenda. Yezu kulongisilaka bo na kusamba Tata, na nima yandi yikaka nde: “Beno lomba, ebuna beno ta baka yo; mpidina kiese na beno ta vanda ya kulunga.”—Yoane 16:23, 24.
“Kiese ya kuluta mingi ke vandaka na kupesa, kansi na kubaka kiese ke vandaka fioti.” (Bisalu 20:35) Mutindu Yezu kulongaka, kupesa kele dyambu mosi ya kepesaka kyese ya kyeleka na luzingu. Kusadila kyeleka yai ya Biblia kesadisaka beto na kutula dikebi na bampusa ya bantu yankaka na kisika ya kuyindula mambu yina beto mosi kekukaka ve kusala. Na ntangu beto kesadisaka bantu yankaka mpi kemonaka ntonda ya bo kemonisaka na mambu ya beto kesadilaka bo, beto kewaka kyese. Lena mendimaka nde kuzabisa bantu yankaka nsangu ya mbote ya Biblia mbala na mbala mesadisaka yandi na mitindu zole. Yandi ketuba nde: “Ntetentete, yo kepesaka munu mutindu ya kyese yina Yezu kutubilaka. Ya zole, bantu yankaka kezabisaka munu mambu mingi ya mbote, yina kesalaka nde mu zwa kyese.” Kana beto mosi kekudipesa mingi na kusadisa bankaka, beto tamona bukyeleka ya mambu yai kele na Bingana 11:25: “Beno sadisa bantu ya nkaka, ebuna bo ta sadisa beno mpi.”
“Bilumbu yonso ya muntu ya mpasi kevandaka ya mbi; kansi muntu yina ke ti ntima ya kyese kevandaka ntangu yonso na feti.” (Bingana 15:15, NW) Beto yonso kele ti nsola ya kusala sambu na yina metala mutindu ya beto kekuditadilaka mpi mutindu ya beto ketadilaka luzingu na beto. Beto lenda vanda bonso muntu yina kevandaka na bangindu ya mbi na mambu yonso mpi yina kevandaka kaka mawamawa, to beto lenda pona na kuyindula mambu ya mbote, na kudiwa ti “ntima ya kyese,” mpi na kuyangalala bonso nde beto kele na feti. Simone ketuba nde: “Mu kesalaka ntangu yonso kikesa sambu na kuvanda kaka na mabanza ya mbote. Mu kekudipesaka mingi na kulonguka ya munu mosi ti na kisalu ya kusamuna, mpi mu kekwaminaka na kusamba. Mu kesalaka mpi ngolo sambu na kuvanda ntangu yonso ti bantu yina kevandaka ti mabanza ya mbote, mpi mu kesalaka yonso sambu na kusadisa bantu yankaka.” Kuvanda na ntima ya mutindu yina kepesaka kyese ya kyeleka, kaka mutindu Biblia kelongisila beto nde: “Beno bantu ya masonga, beno vanda kiese [na Yehowa, NW], beno sepela . . . Beno bayina ke lemfukaka na yandi, beno yimba na kiese!”—Nkunga 32:11.
“Banduku [ya kyeleka, NW] ke zolanaka konso ntangu, [bo kele bampangi yina, NW] ke sadisanaka na Bingana 17:17) Kuzabisa mambu yina kele na ntima na beto na muntu mosi ya beto kezolaka mingi to na ndongisi mosi ya beto ketudilaka ntima lenda sadisa beto na kunwana ti bangindu ya mbi mpi na kukatula yo na ntwala nde yo lutila beto kiteso. Kusolula ti bantu yankaka lenda sadisa beto na kutadila mambu na bukatikati, mpi ti bangindu ya mbote. Simone kendima nde: “Kutuba mambu ya metala mawi na munu kesadisaka munu mingi. Nge fwete songa muntu yankaka mutindu nge kekudiwa. Mbala mingi, kusonga mawi na nge na muntu yankaka kebelulaka.” Kana nge kesala mutindu yina, yo lenda sadisa nge na kumona bukyeleka ya kingana yina ketuba nde: “Mpasi na ntima lenda katula kiese na muntu, kansi ndinga ya mbote ta pesa yandi kikesa.”—Bingana 12:25.
ntangu ya mpasi.” (Mambu Yina Nge Lenda Sala
Beto metadila kaka mwa minsiku fyoti ya Biblia na kati ya minsiku mingi ya beto lenda sadila yina lenda sadisa beto na kukatula mawi ya mbi mpi na kuzwa kyese ya kyeleka. Kana nge kele na kati ya bantu yina kenwanaka ti mawi ya mbi, beto kesyamisa nge na kutanga Ndinga ya Nzambi, Biblia, na dikebi yonso. Longuka na kuyedisa mawi ya masonga mpi ya bukatikati sambu na yina metala nge mosi mpi bangwisana na nge ti Nzambi. Kivuvu na beto ya masonga kele nde na lutwadisu ya Ndinga ya Nzambi, nge takuka kuzwa kyese ya kyeleka na mambu yonso ya nge kesala.
[Noti na nsi ya lutiti]
a Verse yai beto metendula yo na bunda banda na lutiti ya 19 ti ya 20.
[Kifwanisu ya kele na lutiti 7]
Kuzitisa minsiku ya Biblia keyikaka kyese