Keti Nzambi Kele ti Zina?

Bamvutu yina bantu mingi kepesaka:

▪ “Zina na yandi Nzambi.”

▪ “Yandi kele ve ti zina.”

Inki Yezu kutubaka?

▪ “Tala mutindu beno fweti samba Nzambi: ‘Tata na beto kele na zulu, zina na nge ya santu kuvanda ya lukumu.’” (Matayo 6:9) Yezu vandaka kukwikila nde Nzambi kele ti zina.

▪ “Mono longaka bo na kuzaba nge, mono ta longa bo diaka na kuzaba nge, sambu kuzola yina ya nge ke zolaka mono, yo vanda mpi na bo, ebuna mono mosi mpi mono vanda na bo.” (Yoane 17:26) Yezu kulongaka bantu zina ya Nzambi.

▪ “Beno ta mona mono diaka ve tii na kilumbu yina ya beno ta tuba nde: ‘[Yehowa, NW] kusakumuna muntu yina ke kwisa na zina na yandi!’” (Luka 13:35; Nkunga 118:26) Yezu kubingaka Nzambi na zina na yandi.

NZAMBI yandi mosi kezabisa beto zina na yandi. Disolo ya Biblia ketubila mambu ya yandi tubaka nde: “Mono kele Yehowa, yo yina zina na mono.” a (Yezaya 42:8, American Standard Version) Zina Yehowa kele mutindu yina bantu mingi ya ketubaka Kikongo kebingaka zina ya Kiebreo yina Nzambi kudipesaka. Yo lenda yitukisa na kuzaba nde zina yai ya Kiebreo kemonanaka mbala mingi na bamaniskri ya Biblia ya ntama. Nkutu, yo kemonanaka mbala mingi kuluta konso zina yankaka yina Biblia ketubilaka.

Bantu yankaka lenda pesa mvutu na ngyufula “Zina ya Nzambi kele nani?” nde “Nzambi.” Kansi, yo kele bonso muntu mosi ya bo meyula nde “Nani kele mfumu ya insi na beno?” mpi yandi mepesa mvutu nde “prezida.” Bamvutu yai zole kele pwelele ve, sambu “Nzambi” ti “prezida” kele ve bazina ya bantu.

Sambu na nki Nzambi kuzabisaka beto zina na yandi? Yandi salaka yo sambu beto zaba yandi mbote. Mu mbandu, bo lenda binga muntu mosi nde Patro, Papa, to Nkaka, na kutadila muntu yina kebinga yandi. Batitre yai kemonisa kaka kima mosi ya metadila muntu yango. Kansi zina ya muntu yango keyibusa beto mambu yonso ya beto mezaba sambu na yandi. Mu mbandu, batitre bonso Mfumu, Nkwa-Ngolo Yonso, Tata, mpi Ngangi keyibusaka beto mambu ya kuswaswana yina Nzambi mesalaka. Kansi, kaka zina na yandi, Yehowa, keyibusaka beto mambu yonso ya beto mezaba sambu na yandi. Inki mutindu nge lenda zaba mpenza Nzambi kukonda kuzaba zina na yandi?

Yo kele mfunu kaka ve na kuzaba zina na yandi, kansi mpi na kusadila zina yango. Sambu na nki? Sambu Biblia kezabisa beto nde: “Konso muntu yina ta samba [na zina ya Yehowa, NW], yandi ta guluka.”​—Roma 10:13; Yoele 3:5.

[Noti na nsi ya lutiti]

[Bangogo sambu na kubenda dikebi ya kele na lutiti 6]

Bo lenda binga muntu mosi nde Patro, Papa, to Nkaka, na kutadila muntu yina kebinga yandi. Kansi zina ya muntu yango keyibusaka beto mambu yonso ya beto mezaba sambu na yandi