Bamvutu na Bangiufula ya Biblia
Keti nge lenda bakisa Biblia?
Biblia kele Ndinga ya Nzambi. Yo kele bonso mukanda ya me katuka na tata mosi ya zola. (2 Timoteo 3:16) Na Biblia, Nzambi ke tendula mutindu beto lenda sepedisa yandi, kikuma yina yandi me pesaka nzila na mambi, mpi mambu yina yandi ta sala sambu na bantu na makwisa. Kansi balongi ya mabundu ya luvunu me bebisaka malongi ya Biblia; yo yina bantu mingi ke yindulaka nde bo lenda bakisa ve Biblia.—Bisalu 20:29, 30.
Yehowa Nzambi ke zola nde beto zaba kieleka ya me tala yandi. Yo yina, yandi me pesaka beto mukanda yina beto lenda bakisa.oa Tambulaka ti Nzambi | Landa Mbandu ya Lukwikilu na Bo—Tanga 1 Timoteo 2:3, 4.
Inki mutindu nge lenda bakisa Biblia?
Katula Biblia, Yehowa me pesaka beto lusadisu sambu na kubakisa yo. Yandi tindaka Yezu sambu na kulonga beto. (Luka 4:16-21) Yezu sadisaka bawi na yandi na kubakisa Masonuku, na mutindu yandi vandaka kutendula verse mosi-mosi.—Tanga Luka 24:27, 32, 45.
Yezu yantikisaka dibundu ya Bukristu sambu kisalu yina yandi yantikaka zolaka kulanda. (Matayo 28:19, 20) Bubu yai, balongoki ya kieleka ya Yezu ke sadisaka bantu na kubakisa mambu yina Biblia ke longaka na yina me tala Nzambi. Kana nge ke zola kubakisa Biblia, Bambangi ya Yehowa ta sepela kusadisa nge.—Tanga Bisalu 8:30, 31.
Nge Lenda Sepela Mpi Ti
NZOZULU YA NKENGI
Baka Lusadisu Sambu na Kubakisa Biblia
Kana bo sonikaka Biblia sambu bantu kubakisa yo, sambu na nki yo ke lomba diaka nde bo sadisa nge na kubakisa yo?
MAMBU YA ME TALA BETO
Lomba nde Mbangi Mosi ya Yehowa Kukwisa Kutala Nge
Tadila ngiufula mosi ya Biblia, to sosa kuzaba mambu mingi na yina me tala Bambangi ya Yehowa.
MAMBU YA ME TALA BETO
Sambu na Nki Beto Fwete Longuka Biblia?—Video ya Nda
Biblia ke pesaka bamilio ya bantu na nsi-ntoto ya mvimba bamvutu na bangiufula ya mfunu ya luzingu. Keti nge ta zola kuvanda na kati ya bantu yina?
