1 Bansangu 26:1-32
26 Bimvuka ya bankengidi ya bakielo+ yo yai: na bana ya Kora, Meshelemia+ mwana ya Kore na bana ya Asafi.
2 Meshelemia vandaka na bana yai: Zekaria mwana ya ntete, Yediayele mwana ya zole, Zebadia mwana ya tatu, Yatniele mwana ya iya,
3 Elami mwana ya tanu, Yehohanani mwana ya sambanu, Elieho-enai mwana ya nsambwadi.
4 Obedi-edomi vandaka na bana yai: Shemaya mwana ya ntete, Yehozabadi mwana ya zole, Yoa mwana ya tatu, Sakare mwana ya iya, Netanele mwana ya tanu,
5 Amiele mwana ya sambanu, Isakare mwana ya nsambwadi, Peuletai mwana ya nana; sambu Nzambi sakumunaka yandi.
6 Mpi mwana na yandi Shemaya butaka bana yina vandaka bamfumu ya banzo ya batata na bo, sambu bo vandaka babakala ya ngolo mpi ya me fwana.
7 Bana ya Shemaya bo yai: Otni, Refaele, Obedi, mpi Elzabadi; bampangi na yandi Elihu ti Semakia vandaka mpi babakala ya me fwana.
8 Bantu yai yonso vandaka bana ya Obedi-edomi; bo ti bana na bo mpi bampangi na bo, bo vandaka babakala ya me fwana mpi ya me lunga sambu na kisalu, bantu 62, bantu ya Obedi-edomi.
9 Meshelemia+ vandaka ti bana mpi bampangi, babakala 18 ya me fwana.
10 Osa, yina vandaka na kati ya bana ya Merari vandaka ti bana. Shimri vandaka mfumu, sambu ata yandi vandaka ve mwana ya ntete, tata na yandi tulaka yandi mfumu,
11 Hilkia mwana ya zole, Tebalia mwana ya tatu, Zekaria mwana ya iya. Bana yonso mpi bampangi yonso ya Osa vandaka 13.
12 Na bimvuka yai ya bankengidi ya bakielo, bamfumu vandaka ti bisalu kiteso mosi ti bampangi na bo, sambu na kusala na nzo ya Yehowa.
13 Yo yina bo bulaka zeke,+ sambu na bantu ya kukonda mfunu mpi sambu na bantu ya mfunu na kulanda banzo ya batata na bo, sambu na bakielo ya kuswaswana.
14 Ebuna zeke sambu na ndambu ya esti bwaka na Shelemia. Sambu na mwana na yandi Zekaria, yina vandaka ndongisi ya mayele, bo bulaka zeke, mpi zeke na yandi basikaka na ndambu ya nordi.
15 Obedi-edomi bakaka ya yandi na ndambu ya sudi, mpi bo pesaka bana na yandi+ banzo ya kubumbila bima.
16 Shupimi ti Osa+ bakaka ya bo na ndambu ya westi, pene-pene ya Kielo ya Shaleketi, pene-pene ya nzila ya nene yina ke tombukaka, kimvuka mosi ya bankengidi ke talana ti kimvuka ya nkaka ya bankengidi;
17 kuvandaka ti Balevi sambanu na ndambu ya esti; na ndambu ya nordi, iya konso kilumbu mpi na ndambu ya sudi, iya konso kilumbu; mpi sambu na banzo ya kubumbila bima,+ zole-zole;
18 sambu na veranda ya nda na ndambu ya westi, bo vandaka iya na nzila ya nene+ mpi zole na veranda ya nda.
19 Yai bimvuka ya bankengidi ya bakielo ya bana ya Kora mpi ya bana ya Merari.
20 Sambu na Balevi, Ahiya vandaka kutala bisika ya kubumba bimvwama ya nzo ya Nzambi ya kieleka mpi bisika ya kubumba bimvwama ya bima yina bo kumisaka santu.*+
21 Bana ya Ladani, disongidila bana ya muntu ya Gershoni na nzila ya Ladani, bamfumu ya banzo ya batata ya Ladani muntu ya Gershoni, Yehieli+
22 mpi bana ya Yehieli, Zetami ti mpangi na yandi Yoele. Bo vandaka kutala bisika ya kubumba bimvwama ya nzo ya Yehowa.+
23 Na bana ya Amrami, na bana ya Yisare, na bana ya Ebroni, mpi na bana ya Uziele,+
24 Shebuele mwana ya Gershomi mwana ya Moize vandaka ntwadisi yina vandaka kutala banzo ya kubumbila bima.
25 Sambu na bampangi na yandi, na Eliezere:+ Rehabia+ mwana na yandi, Yeshaya mwana na yandi, Yorami mwana na yandi, Zikri mwana na yandi, mpi Shelomoti mwana na yandi.
26 Shelomoti yai ti bampangi na yandi vandaka kutala bisika yonso ya kubumba bimvwama ya bima yina bo kumisaka santu,+ yina ntotila Davidi,+ bamfumu ya banzo ya batata,+ bamfumu ya mafunda mpi ya bankama, mpi bamfumu ya basoda kumisaka santu.
27 Na bima yina bo bakaka na bitumba+ mpi na bima yina bo botulaka,+ bo kumisaka bima ya nkaka santu sambu na kuyidika nzo ya Yehowa;
28 mpi bima yonso yina Samuele muntu ya ke monaka mambu,+ Saule mwana ya Kishi, Abnere+ mwana ya Nere, mpi Yoabi+ mwana ya Seruya+ kumisaka santu. Bima yonso yina konso muntu kumisaka santu, bo vandaka kupesa yo na Shelomiti mpi na bampangi na yandi sambu na kutala yo.
29 Na bana ya Yisare,+ bo pesaka Kenania ti bana na yandi kisalu ya kutwadisa mambu na nganda, bo vandaka kusala bonso bakapita mpi bazuzi+ na Izraele.
30 Na bana ya Ebroni,+ Ashabia ti bampangi na yandi, babakala 1 700 ya me fwana, vandaka kutwadisa mambu ya Izraele na ntoto yina vandaka na westi ya Yordani sambu na bisalu yonso ya Yehowa mpi sambu na kisalu ya ntotila.
31 Na bana ya Ebroni, Yeriya+ vandaka mfumu ya bana ya Ebroni na kulanda ndonga ya banzo ya batata na bo. Na mvula ya 40 ya luyalu ya Davidi,+ bo sosaka bo, mpi bo monaka babakala ya ngolo mpi ya me fwana na kati na bo na Yazere+ na Gileadi.
32 Mpi bampangi na yandi vandaka babakala ya me fwana 2 700, bamfumu ya banzo ya batata. Yo yina ntotila Davidi pesaka bo kisalu ya kutwadisa bana ya Rubeni, bana ya Gadi, mpi ndambu ya dikanda ya bana ya Manase, na mambu yonso ya Nzambi ya kieleka mpi na mambu ya ntotila.
Banoti na nsi ya lutiti
^ To “bima yina bo me pesaka na Nzambi.”
