1 Bansangu 27:1-34
-
Bakapita na kisalu ya ntotila (1-34)
27 Yai ntalu ya bantu ya Izraele, bamfumu ya banzo ya batata, bamfumu ya mafunda mpi ya bankama,+ mpi bakapita na bo yina vandaka kusala sambu na ntotila+ na mambu yonso ya bimvuka yina vandaka kukota mpi kubasika konso ngonda na bangonda yonso ya mvula; bantu vandaka 24 000 na konso kimvuka.
2 Mfumu ya kimvuka ya ntete, kimvuka ya ngonda ya ntete vandaka Yashobeami+ mwana ya Zabdiele, mpi bantu 24 000 vandaka na kimvuka na yandi.
3 Na bana ya Peresi,+ yandi vandaka mfumu ya bamfumu yonso ya bimvuka yina bo tulaka sambu na kusala na ngonda ya ntete.
4 Mfumu ya kimvuka ya ngonda ya zole vandaka Dodai+ muntu ya Ahohi+ ti kimvuka na yandi, Mikloti vandaka ntwadisi, mpi bantu 24 000 vandaka na kimvuka na yandi.
5 Mfumu ya kimvuka ya tatu yina bo tulaka sambu na kusala na ngonda ya tatu vandaka Benaya+ mwana ya Yehoyada+ mfumu ya banganga-nzambi, mpi bantu 24 000 vandaka na kimvuka na yandi.
6 Benaya yai vandaka soda ya ngolo na kati ya bantu makumi tatu mpi yandi vandaka mfumu ya bantu makumi tatu yina, mpi mwana na yandi Amizabadi vandaka mfumu ya kimvuka na yandi.
7 Ya iya sambu na ngonda ya iya: Asaele,+ mpangi ya Yoabi,+ mpi mwana na yandi Zebadia vandaka na nima na yandi, mpi bantu 24 000 vandaka na kimvuka na yandi.
8 Mfumu ya tanu sambu na ngonda ya tanu vandaka Shamuti muntu ya Yizra, mpi bantu 24 000 vandaka na kimvuka na yandi.
9 Ya sambanu sambu na ngonda ya sambanu vandaka Ira+ mwana ya Ikeshi muntu ya Tekoa,+ mpi bantu 24 000 vandaka na kimvuka na yandi.
10 Ya nsambwadi sambu na ngonda ya nsambwadi vandaka Elesi+ muntu ya Peloni na kati ya bana ya Efrayimi, mpi bantu 24 000 vandaka na kimvuka na yandi.
11 Ya nana sambu na ngonda ya nana vandaka Sibekai+ muntu ya Usha na kati ya bana ya Zera,+ mpi bantu 24 000 vandaka na kimvuka na yandi.
12 Ya uvwa sambu na ngonda ya uvwa vandaka Abi-ezere+ muntu ya Anatoti+ na kati ya bana ya Benyamini, mpi bantu 24 000 vandaka na kimvuka na yandi.
13 Ya kumi sambu na ngonda ya kumi vandaka Maharai+ muntu ya Netofa na kati ya bana ya Zera,+ mpi bantu 24 000 vandaka na kimvuka na yandi.
14 Ya 11 sambu na ngonda ya 11 vandaka Benaya+ muntu ya Piratoni na kati ya bana ya Efrayimi, mpi bantu 24 000 vandaka na kimvuka na yandi.
15 Ya 12 sambu na ngonda ya 12 vandaka Eldai muntu ya Netofa, ya dibuta ya Otniele, mpi bantu 24 000 vandaka na kimvuka na yandi.
16 Bantu yai vandaka bantwadisi ya makanda ya Izraele: Na bana ya Rubeni, Eliezere mwana ya Zikri vandaka ntwadisi; na bana ya Simeoni, Shefatia mwana ya Maaka;
17 na Levi, Ashabia mwana ya Kemuele; na Aroni, Zadoki;
18 na Yuda, Elihu,+ mpangi ya Davidi; na Isakare, Omri mwana ya Mikaele;
19 na Zebuloni, Yishmaya mwana ya Obadia; na Naftali, Yerimoti mwana ya Azriele;
20 na bana ya Efrayimi, Oshea mwana ya Azazia; na ndambu ya dikanda ya Manase, Yoele mwana ya Pedaya;
21 na ndambu ya dikanda ya Manase na Gileadi, Ido mwana ya Zekaria; na Benyamini, Yaasiele mwana ya Abnere;+
22 na Dani, Azarele mwana ya Yerohami. Bantu yai vandaka bamfumu ya makanda ya Izraele.
23 Davidi tangaka ve bantu yina vandaka ti bamvula yantika na 20 mpi kulumuka, sambu Yehowa pesaka lusilu ya kukumisa Izraele mingi kibeni bonso bambwetete ya zulu.+
24 Yoabi mwana ya Seruya yantikaka kutanga bantu, kansi yandi manisaka ve; mpi Nzambi wilaka Izraele makasi* sambu na diambu yina,+ mpi bo kotisaka ve ntalu yina na mukanda ya bansangu ya ntotila Davidi.
25 Azmaveti mwana ya Adiele vandaka kutala bisika ya kubumba bimvwama ya ntotila.+ Yonatani mwana ya Uziya vandaka kutala banzo ya kubumbila bima* yina kele na banseke, na bambanza, na babwala, mpi na banzo-zulu.
26 Ezri mwana ya Kelubi vandaka mfumu ya bantu ya ke salaka bilanga yina vandaka kubundula ntoto.
27 Shimei muntu ya Rama vandaka kutala bilanga ya vinu; Zabdi muntu ya Sifmoti vandaka kutala bima ya bilanga ya vinu sambu na bisika ya kubumba vinu.
28 Baale-anani muntu ya Gedere vandaka kutala banti ya olive mpi banti ya sikomore+ yina vandaka na Shefela;+ Yoashi vandaka kutala bisika ya kubumba mafuta.
29 Shitrai muntu ya Sharoni+ vandaka kutala bangombe yina vandaka kudia matiti na Sharoni, mpi Shafati mwana ya Adlai vandaka kutala bangombe na muwanda ya kukonda bangumba.*
30 Obile muntu ya Ismaele vandaka kutala bashamo; Yedeya muntu ya Meronoti vandaka kutala bampunda.*
31 Yazizi muntu ya Agri vandaka kutala bitwisi. Bantu yai yonso vandaka bamfumu ya bima ya ntotila Davidi.
32 Yonatani,+ mwana-mpangi ya Davidi, vandaka ndongisi, muntu yina vandaka ti mayele ya kubakisa mambu mpi sekretere, mpi Yehiele mwana ya Akmoni vandaka kutala bana ya ntotila.+
33 Ahitofele+ vandaka ndongisi ya ntotila, mpi Ushai+ muntu ya Arki vandaka nduku ya ntotila.*
34 Yehoyada mwana ya Benaya+ mpi Abiatare+ vandaka na nima ya Ahitofele; mpi Yoabi+ vandaka mfumu ya basoda ya ntotila.
Banoti na nsi ya lutiti
^ Na kisina, “mpi makasi vandaka na Izraele.”
^ To “banzo ya kubumbila bimvwama.”
^ To “bantoto ya kukonda ngumba.”
^ Na kisina, “bampunda ya bankento.”
^ To “muntu yina ntotila ke zabisaka binsweki.”
