2 Samuele 23:1-39
23 Yai bangogo ya nsuka ya Davidi:+
“Bangogo ya Davidi mwana ya Yese,+Mpi bangogo ya muntu yina bo tombulaka na zulu,+Muntu yina Nzambi ya Yakobi me tulaka mafuta,+Muyimbi-bankunga ya mbote* ya bankunga+ ya Izraele.
2 Mpeve ya Yehowa tubaka na nzila na mono;+Ndinga na yandi vandaka na ludimi na mono.+
3 Nzambi ya Izraele tubaka;Ditadi ya Izraele tubaka na mono nde,+
‘Kana muntu yina ke yala bantu kele muntu ya lunungu,+Mpi ke yala na boma ya Nzambi,+
4 Yo kele bonso nsemo ya suka ntangu ntangu ke semaka,+Suka ya kukonda matuti.
Yo kele bonso nsemo na nima ya mvula,Yina ke salaka nde matiti kubasika na ntoto.’+
5 Keti nzo na mono kele ve mutindu yina na ntwala ya Nzambi?
Sambu yandi salaka kuwakana mosi ya kukonda nsuka ti mono,+Yina bo me tulaka mambu yonso na ndonga mpi yina kele na lutaninu.
Sambu yo ke tendula luguluku na mono kibeni mpi kiese na mono yonso,Keti yo yina ve kikuma yandi ke sala nde yo mena?+
6 Kansi bo ke losaka+ bantu yonso ya kukonda mfunu bonso tu-banti ya bansende,Sambu bo lenda baka yo ve na diboko.
7 Kana muntu mosi ke simba yoYandi fwete vanda ti kisadilu ya kibende ti nti ya dikonga,Ebuna bo fwete yoka yo yonso na tiya na kisika na yo.”
8 Yai bazina ya basoda ya ngolo ya Davidi:+ Yoshebi-bashebeti muntu ya Takemoni, mfumu ya bantu tatu.+ Yandi taka dikonga na yandi na zulu ya bantu 800 mpi bo fwaka na mbala mosi.
9 Na nima na yandi, Eleazare+ mwana ya Dodo+ mwana ya Ahohi vandaka na kati ya basoda tatu ya ngolo yina vandaka ti Davidi ntangu bo sosilaka bantu ya Filistia. Bo vukanaka pana sambu na bitumba, ebuna ntangu bantu ya Izraele vutukaka nima,
10 yandi telamaka na kisika na yandi mpi vandaka kaka kufwa bantu ya Filistia tii kuna diboko na yandi lembaka mpi diboko na yandi kumaka ngolo sambu yandi simbaka mbele ya bitumba.+ Ebuna Yehowa pesaka luguluku ya nene* na kilumbu yina;+ mpi bantu kwisaka kuvutuka na nima na yandi sambu na kubaka bima ya bantu yina fwaka.
11 Na nima na yandi kuvandaka Shamah, mwana ya Age muntu ya Arare. Bantu ya Filistia vukanaka na Lehi, kisika vandaka kitini mosi ya ntoto ya kufuluka ti madesu; ebuna bantu tinaka sambu na bantu ya Filistia.
12 Kansi yandi, yandi telamaka na kati-kati ya kilanga yina, yandi nwaninaka yo mpi landaka kufwa bantu ya Filistia, ebuna Yehowa pesaka luguluku ya nene.*+
13 Na nsungi ya kukatula bima na bilanga, bantu tatu na kati ya bamfumu yina 30 kulumukaka kisika Davidi vandaka na dibulu ya Adulami,+ mpi kimvuka mosi* ya bantu ya Filistia tulaka camp na Muwanda* ya Refayimi.+
14 Na ntangu yina, Davidi vandaka na kisika ya ngolo ya lutaninu,+ mpi basoda ya Filistia yina ke kengilaka na ntwala vandaka na Betelemi.
15 Ebuna Davidi monisaka nzala na yandi ya ngolo nde: “A kana mono lendaka kunwa masa ya dibulu ya masa yina kele pene-pene ya kielo ya Betelemi!”
16 Ebuna basoda yina tatu ya ngolo kotaka na kingolo-ngolo na camp ya bantu ya Filistia mpi bo bakaka masa na dibulu ya masa yina kele pene-pene ya kielo ya Betelemi, ebuna bo natilaka yo Davidi; kansi yandi buyaka kunwa yo mpi yandi tiamunaka yo sambu na Yehowa.+
17 Yandi tubaka nde: “O Yehowa, ngindu ya kusala diambu yai lenda kwisila mono ve ata fioti! Keti mono fwete nwa menga+ ya bantu ya me kwenda kutula luzingu* na bo na kigonsa?” Yo yina yandi buyaka kunwa yo. Yai mambu yina basoda na yandi tatu ya ngolo salaka.
18 Abishai+ mpangi ya Yoabi mwana ya Seruya+ vandaka mfumu ya bantu ya nkaka tatu; yandi taka dikonga na yandi na zulu ya bantu 300 mpi bo fwaka, mpi yandi vandaka na lukumu kiteso mosi ti bantu yina tatu.+
19 Ata yandi vandaka na lukumu mingi kuluta bantu tatu yina ya nkaka mpi yandi vandaka mfumu na bo, yandi kumaka ve na ndonga ya bantu tatu ya ntete.
20 Benaya+ mwana ya Yehoyada vandaka muntu ya kikesa* yina salaka mambu mingi ya nene na Kabseele.+ Yandi fwaka bana zole ya Ariele ya Moabi, mpi yandi kulumukaka na dibulu mosi ya masa na kilumbu yina mvula ya mpembe* vandaka kunoka mpi yandi fwaka ntambu.+
21 Yandi fwaka mpi muntu mosi ya Ezipte yina vandaka nda mingi kibeni. Ata muntu yina ya Ezipte vandaka ti dikonga na diboko na yandi, yandi kwendaka kunwanisa yandi ti nti mpi botulaka dikonga na diboko ya muntu yina ya Ezipte mpi fwaka yandi ti dikonga na yandi mosi.
22 Yai mambu yina Benaya mwana ya Yehoyada salaka, mpi yandi vandaka na lukumu kiteso mosi ti basoda tatu ya ngolo.
23 Ata yandi vandaka na lukumu mingi kibeni kuluta bantu makumi tatu, yandi kumaka ve na ndonga ya bantu yina tatu. Kansi Davidi tulaka yandi mfumu ya bantu yina vandaka kukengila yandi.
24 Asaele+ mpangi ya Yoabi vandaka na kati ya bantu makumi tatu: Elanani mwana ya Dodo muntu ya Betelemi,+
25 Shamah muntu ya Harodi, Elika muntu ya Harodi,
26 Elesi+ muntu ya Palti, Ira+ mwana ya Ikeshi muntu ya Tekoa,
27 Abi-ezere+ muntu ya Anatoti,+ Mebunai muntu ya Usha,
28 Salmoni muntu ya Ahohi, Maharai+ muntu ya Netofa,
29 Elebi mwana ya Baanah, muntu ya Netofa, Itai mwana ya Ribai, muntu ya Gibea ya bana ya Benyamini,
30 Benaya+ muntu ya Piratoni, Idai muntu ya miwanda* ya Gaashi,+
31 Abi-alboni muntu ya Arbati, Azmaveti muntu ya Bahurimi,
32 Eliaba muntu ya Shaalboni, bana ya Yasheni, Yonatani,
33 Shamah muntu ya Arare, Ahiami mwana ya Sharare muntu ya Arare,
34 Elifeleti mwana ya Ahasbai mwana ya muntu ya Maakati, Eliami mwana ya Ahitofele+ muntu ya Gilo,
35 Esro muntu ya Karmele, Paarai muntu ya Arbi,
36 Yigale mwana ya Natani ya Soba, Bani muntu ya Gadi,
37 Seleki muntu ya Amoni, Naharai muntu ya Beeroti, muntu ya ke nataka binwaninu ya Yoabi mwana ya Seruya,
38 Ira muntu ya Yitri, Garebi muntu ya Yitri,+
39 mpi Uria+ muntu ya Heti—bo yonso na kimvuka 37.
Banoti na nsi ya lutiti
^ To “Muntu ya mbote.”
^ Na kisina, “nungisaka kibeni.”
^ Na kisina, “nungisaka kibeni.”
^ To “Ntoto ya Kukonda Ngumba.”
^ To “tenta mosi ya bwala.”
^ To “mioyo.”
^ To “neige.”
^ Na kisina, “mwana ya muntu ya kikesa na bitumba.”
^ Tala Bantendula ya Bangogo.
