Nkunga 1:1-6
1 Kiese na muntu yina ke tambulaka ve na kulanda ndongisila ya bantu ya mbi,Yina ke telamaka ve na nzila ya bansumuki,+Mpi yina ke vandaka ve na kiti ya bantu yina ke vwezaka.+
2 Kansi yandi ke vandaka na kiese na nsiku ya Yehowa,+Mpi yandi ke tangaka nsiku na yandi na ndinga ya nsi* mpimpa ti mwini.+
3 Yandi ta vanda bonso nti yina bo me kuna pene-pene ya bamasa,Nti yina ke butaka mbuma na nsungi na yo,Matiti na yo ke yumaka ve.
Mpi konso kima yina yandi ke sala ta nunga.+
4 Bantu ya mbi kele mpidina ve;Bo kele bonso mpusu ya ble yina mupepe ke nataka.
5 Yo yina bantu ya mbi ta nunga ve ntangu bo ta sambisa bo;+Mpi bansumuki ta bikala ve na kati ya kimvuka ya bantu ya lunungu.+
6 Sambu Yehowa me zaba nzila ya bantu ya lunungu,+Kansi nzila ya bantu ya mbi ta fwa.+
Banoti na nsi ya lutiti
^ To “yandi ke yindululaka nsiku na yandi.”
