Nkunga 10:1-18
ל [Lamed]
10 O Yehowa, sambu na nki nge me telama ntama?
Sambu na nki nge ke bumbana na bantangu ya mpasi?+
2 Muntu ya mbi ke landa muntu ya me konda lusadisu+ na lulendo yonso,Kansi yandi ta kangama na mayele ya mbi yina yandi ke kana.+
3 Sambu muntu ya mbi ke kudikumisa sambu na banzala na yandi ya bwimi*+Mpi ke sakumuna muntu ya lukasi;*נ [Nun]Yandi ke zitisa ve Yehowa
4 Na lulendo na yandi, muntu ya mbi ke sosaka ve;Bangindu na yandi yonso ke vandaka: “Nzambi kele ve.”+
5 Banzila na yandi ke landa kutoma,+Kansi yandi lenda bakisa ve+ balusambisu na nge;Yandi ke vweza bambeni na yandi yonso.
6 Yandi ke tuba na ntima na yandi nde: “Mono ta nikana ve* ata fioti;Sambu tii na bandonga yonso ya bantu yina ta kwisaMono ta mona mpasi ve ata fioti.”+
פ [Pe]
7 Munoko na yandi me fuluka ti kusinga, luvunu, mpi mambu ya ke pesa boma;+Mavwanga ti mambu ya mbi kele na nsi ya ludimi na yandi.+
8 Yandi ke bumbana pene-pene ya babwala;Kuna na kisika ya yandi me bumbana, yandi ke fwa muntu yina me sala kima ve.+
ע [Ayin]
Meso na yandi ke tala kaka muntu ya mawa.+
9 Yandi ke vingila na kisika ya yandi me bumbana bonso ntambu na kisika na yo ya kulala.*+
Yandi ke vingila sambu na kukanga muntu ya me konda lusadisu.
Yandi ke kanga muntu ya me konda lusadisu ntangu yandi ke kanga bukondi na yandi.+
10 Bo ke bedisa muntu ya me sala kima ve mpi bo ke bwisa yandi na ntoto;Bantu ya mawa me bwa na manzungulu na yandi ya ngolo.
11 Yandi ke tuba na ntima na yandi nde: “Nzambi me vila.+
Yandi me balula luse na yandi.
Yandi ke mona ve ata fioti.”+
ק [Qoph]
12 O Yehowa, telama.+ O Nzambi, nangula diboko na nge.+
Kuvila ve bantu ya me konda lusadisu.+
13 Sambu na nki muntu ya mbi ke zitisa ve Nzambi?
Yandi ke tuba na ntima na yandi nde: “Nge ta lomba mono ve na kuvutula munoko.”
ר [Resh]
14 Kansi nge ke mona mavwanga mpi mpasi.
Nge ke tala mpi ke baka mambu na maboko.+
Muntu ya mawa ke kwisaka na nge;+Nge kele nsadisi ya mwana yina me konda tata.*+
ש [Shin]
15 Buka diboko ya muntu ya nku mpi ya muntu ya mbi,+Sambu ntangu nge ta sosa mbi na yandi,Nge ta mona yo diaka ve.
16 Yehowa kele Ntotila mvula na mvula.+
Makanda me fwa na ntoto.+
ת [Taw]
17 Kansi nge ta wa diambu yina bantu ya kudikulumusa ke lomba, O Yehowa.+
Nge ta kumisa ntima na bo ngolo+ mpi nge ta tudila bo dikebi ya mingi.+
18 Nge ta zenga mambu na lunungu sambu na mwana yina me konda tata mpi bantu yina bo me bedisaka,+Sambu muntu ya ntoto kupesa bo diaka boma ve.+
Banoti na nsi ya lutiti
^ To “nzala ya moyo na yandi.”
^ To mbala ya nkaka, “Muntu ya lukasi ke kudisakumuna.”
^ To “ta tambula ve na lunziungu.”
^ To “na mwa-mfinda na yo.”
^ To “mwana-nsiona.”
