Nkunga 106:1-48
106 Beno kumisa Yah!*
Beno pesa Yehowa matondo, sambu yandi kele mbote;+Zola na yandi ya kwikama ke zingaka kimakulu.+
2 Nani lenda zabisa mbote-mbote bisalu ya ngolo ya YehowaTo bisalu na yandi yonso yina me fwana na kubaka lukumu?+
3 Kiese na bantu yina ke salaka mambu ti lunungu,Yina ke salaka ntangu yonso mambu ya mbote.+
4 Yibuka mono, O Yehowa, ntangu nge ke monisila bantu na nge ntima ya mbote.*+
Keba mono sambu nge ke gulusaka,
5 Sambu mono mona bumbote yina nge ke monisila bantu ya nge me solaka,+Sambu mono wa kiese kumosi ti dikanda na nge,Sambu mono kumisa nge na lulendo yonso* kumosi ti dikabu na nge.
6 Beto me salaka masumu kaka mutindu ba-nkaka na beto salaka;+Beto me salaka kifu; beto me salaka mambu ya mbi.+
7 Na Ezipte ba-nkaka na beto monisaka ve ntonda sambu na* bisalu na nge ya kuyituka.
Bo yibukaka ve zola na nge ya kwikama ya mingi,Kansi bo kolamaka na nzadi-mungwa, pene-pene ya Nzadi-Mungwa ya Mbwaki.+
8 Kansi yandi gulusaka bo sambu na zina na yandi,+Sambu na kuzabisa ngolo na yandi.+
9 Yandi nganinaka Nzadi-Mungwa ya Mbwaki, ebuna yo yumaka;Yandi lutisaka bo na mudindu na yo bonso na ntoto ya zelo na zelo;*+
10 Yandi katulaka bo na maboko ya mbeni na bo+Mpi gulusaka bo na maboko ya mbeni.+
11 Bamasa fikaka bambeni na bo;Ata muntu mosi ve gulukaka.*+
12 Ebuna bo tulaka ntima na lusilu na yandi;+Bo yantikaka kuyimba nkunga ya kukumisa yandi.+
13 Kansi bo vilaka nswalu mambu yina yandi salaka;+Bo vingilaka ve ndongisila na yandi.
14 Bo bwaka na banzala na bo ya bwimi na ntoto-makanga;+Bo mekaka Nzambi na ntoto ya zelo na zelo.+
15 Yandi pesaka bo yina bo lombaka,Kansi na nima yandi pesaka bo maladi yina salaka nde bo konda.*+
16 Na camp, bo wilaka Moize kimpalaTi Aroni,+ santu ya Yehowa.+
17 Ebuna ntoto kangukaka mpi yo minaka Datani,Mpi yo fikaka bantu yina vukanaka ti Abirami.+
18 Tiya pelaka na kati ya kimvuka na bo;Ludimi ya tiya yokaka bantu ya mbi.+
19 Bo salaka mwana-ngombe na OrebiMpi bo fukiminaka kiteki ya kibende;*+
20 Bo pesaka nkembo na monoNa kiteki ya ngombe yina ke diaka matiti.+
21 Bo vilaka Nzambi+ Ngulusi na bo,Yina salaka mambu ya nene na Ezipte,+
22 Mambu ya kuyituka na ntoto ya Kami,+Mpi mambu ya ke pesa boma na Nzadi-Mungwa ya Mbwaki.+
23 Yo bikalaka fioti yandi pesa ntuma nde bo manisa bo yonso,Kansi Moize, muntu yina yandi solaka, bondilaka yandi,*Sambu na kukatula makasi na yandi ya ke fwaka.+
24 Ebuna bo vwezaka ntoto ya kitoko;+Bo tulaka ve ntima na lusilu na yandi.+
25 Bo landaka kubokuta na batenta na bo;+Bo waka ve ndinga ya Yehowa.+
26 Yo yina yandi nangulaka diboko mpi diaka ndefi sambu na boNde yandi ta fwa bo na ntoto-makanga;+
27 Yandi ta fwa bana na bo na kati ya makanda,Mpi yandi ta panza bo na bansi yina.+
28 Ebuna bo vukanaka na lusambu ya* Baale ya Peore,+Mpi bo diaka bimenga yina bo pesaka na bafwa.*
29 Bo pesaka yandi makasi na mambu ya bo vandaka kusala,+Ebuna mpasi yantikaka na kati na bo.+
30 Kansi ntangu Fineasi telamaka mpi salaka mambu,Mpasi yina manaka.+
31 Ebuna Nzambi tadilaka yandi bonso muntu ya lunungu sambu na yoNa bandonga yonso ya bantu kimakulu.+
32 Bo pesaka yandi makasi na bamasa ya Meriba,*Mpi sambu na bo, mambu kwendilaka ve mbote sambu na Moize.+
33 Bo pesaka mpeve na yandi makasi,Mpi yandi tubaka kukonda kuyindula.+
34 Bo manisaka ve bantu,+Mutindu Yehowa pesaka bo nsiku.+
35 Kansi bo vukanaka ti makanda+Mpi bo ndimaka* banzila ya makanda yina.+
36 Bo landaka kusadila biteki na bo,+Mpi yo kumaka mutambu sambu na bo.+
37 Bo vandaka kutambika bana na bo ya babakalaTi ya bankento na bademo.+
38 Bo landaka kutiamuna menga ya bantu ya me sala mbi ve,+Menga ya bana na bo mosi ya babakala mpi ya bankentoYina bo tambikaka na biteki ya Kanana;+Mpi ntoto kumaka mvindu na menga yina bo tiamu- naka.
39 Bo kumaka mvindu na bisalu na bo;Bo salaka bizumba ya kimpeve na bisalu na bo.+
40 Yo yina Yehowa wilaka bantu na yandi makasi ya ngolo,Mpi yandi kumaka kumenga dikabu na yandi.
41 Yandi pesaka bo mbala na mbala na maboko ya makanda,+Sambu bantu yina vandaka kumenga bo kuyala bo.+
42 Bambeni na bo niokulaka bo,Mpi bo vandaka na nsi ya kiyeka* ya bambeni yina.
43 Mbala mingi yandi vandaka kugulusa bo,+Kansi bo vandaka kuko- lama mpi kukonda bulemfu,+Mpi bo vandaka kukulumusa bo sambu na kifu na bo.+
44 Kansi yandi vandaka kumona mpasi na bo+Mpi kuwa kudila na bo sambu na kulomba lusadisu.+
45 Yandi vandaka kuyibuka kuwakana na yandi sambu na bo,Mpi zola na yandi ya kwikama ya nene* vandaka kupusa yandi na kuwa mawa.+
46 Yandi vandaka kusala nde bo wila bo mawaNa bantu yonso yina vandaka kukanga bo na kimpika.+
47 Gulusa beto, O Yehowa Nzambi na beto,+Katula beto na maboko ya makanda mpi vukisa beto+Sambu beto pesa matondo na zina na nge ya santuMpi beto yangalala na kukumisa nge.*+
48 Bika nde bo kumisa Yehowa, Nzambi ya Izraele,Mvula na mvula.*+
Ebuna bika bantu yonso kutuba nde, “Amen!”*
Beno kumisa Yah!*
Banoti na nsi ya lutiti
^ To “Aleluya!” “Yah” kele zina ya Yehowa na bunkufi.
^ To “luzolo ya mbote.”
^ To “kudikumisa sambu na nge.”
^ To “bakisaka ve ntendula ya.”
^ To “ntoto-makanga.”
^ To “bikalaka.”
^ To “moyo na bo kukonda.”
^ To “kiteki ya kibende ya bo me lamba na tiya.”
^ Na kisina, “telamaka na dibulu na ntwala na yandi.”
^ To “bo kangamaka na.”
^ Disongidila, bimenga yina bo pesaka na bafwa to na banzambi yina me konda luzingu.
^ Yo ke tendula “Kuswana.”
^ To “longukaka.”
^ Na kisina, “diboko.”
^ To “ya mingi.”
^ To “yangalala na lukumu na nge.”
^ To “Katuka mvula na mvula tii mvula na mvula.”
^ To “Yo vanda mutindu yina!”
^ To “Aleluya!” “Yah” kele zina ya Yehowa na bunkufi.
