Nkunga 108:1-13
Nkunga. Miziki ya Davidi.
108 Ntima na mono kele ngolo, O Nzambi.
Mono ta yimba mpi ta bula miziki ti ngolo na mono yonso.*+
2 Telama, O kima ya kubudila miziki ya kele ti bansinga; nge mpi, O kidare.+
Mono ta tedimisa suka.
3 O Yehowa, mono ta kumisa nge na kati ya bantu,Mpi mono ta yimba bankunga* sambu na kukumisa nge na kati ya makanda.
4 Sambu zola na nge ya kwikama kele nene, yo kele ya kunanguka bonso zulu,+Mpi kwikama na nge, tii na matuti.
5 Vanda ya kunanguka na zulu kibeni, O Nzambi;Bika nkembo na nge kuvanda na ntoto ya mvimba.+
6 Sambu bantu yina nge ke zolaka kuguluka,Gulusa beto ti diboko na nge ya kitata mpi pesa mono mvutu.+
7 Nzambi me tuba na busantu na yandi* nde:
“Mono ta wa kiese, mono ta pesa Shekemi+ bonso dikabu,Mpi mono ta tesa Muwanda* ya Sukoti.+
8 Gileadi+ ti Manase kele ya mono,Mpi Efrayimi kele mpu* sambu na ntu na mono;+Yuda kele nti na mono ya kimfumu.+
9 Moabi kele dilonga na mono ya kuyobidila.+
Mono ta losa sandale na mono na Edomi.+
Mono ta tula milolo nde mono me nunga Filistia.”+
10 Nani ta nata mono na mbanza ya ngolo?
Nani ta twadisa mono tii na Edomi?+
11 O Nzambi, keti nge ve muntu me buyaka beto?Nzambi na beto, keti nge ve muntu ke kwendaka diaka ve na bitumba ti basoda na beto?+
12 Sadisa beto na mpasi na beto,+Sambu luguluku yina ke katukaka na bantu kele na mfunu ve.+
13 Beto ta baka ngolo na Nzambi,+Mpi yandi ta niata bambeni na beto.+
Banoti na nsi ya lutiti
^ Na kisina, “ata ti nkembo na mono.”
^ To “ta bula miziki.”
^ To mbala ya nkaka, “na kisika na yandi ya santu.”
^ To “Ntoto ya Kukonda Ngumba.”
^ Na kisina, “kisika ya ngolo ya lutaninu.”
