Nkunga 11:1-7
Na ntwadisi. Ya Davidi.
11 Mono me tina na Yehowa.+
Ebuna nki mutindu beno lenda tubila mono* nde:
“Tina bonso ndeke na ngumba na beno!
2 Tala mutindu bantu ya mbi ke konika munduki ya tolo-tolo,Bo me tula tolo-tolo na bo na nsinga ya munduki ya tolo-tolo,Sambu na mpimpa, bo bula bantu yina kele ti ntima ya kusungama.
3 Kana bo bwisa bafondasio,*Muntu ya lunungu lenda sala inki?”
4 Yehowa kele na tempelo na yandi ya santu.+
Kiti ya kimfumu ya Yehowa kele na zulu.+
Meso na yandi ke monaka, meso na yandi ya ke kengilaka* ke talaka bana ya bantu.+
5 Yehowa ke talaka muntu ya lunungu ti muntu ya mbi;+Yandi* ke mengaka konso muntu yina ke zolaka mubulu.+
6 Yandi ta tula mitambu* sambu na bantu ya mbi;Tiya, sufre,+ mpi mupepe ya ke yokaka ta vanda dikabu ya dikopa na bo.
7 Sambu Yehowa kele muntu ya lunungu;+ yandi ke zolaka bisalu ya lunungu.+
Bantu ya mbote ta mona luse na yandi.*+
Banoti na nsi ya lutiti
^ To “moyo na mono.”
^ To “bafondasio ya lunungu.”
^ To “ya ke semaka.”
^ To “Moyo na yandi; Kimuntu na yandi kibeni.”
^ To mbala ya nkaka, “makala ya tiya.”
^ To “ta mona ntima na yandi ya mbote.”
