Nkunga 16:1-11
Miktami* ya Davidi.
16 Tanina mono, O Nzambi, sambu mono me kwisa kutina na nge.+
2 Mono me tubila Yehowa nde: “Nge kele Yehowa, Nto ya bumbote na mono
3 Mpi basantu yina kele na ntoto,Bantu ya nene, ke pesaka mono kiese mingi.”+
4 Bantu yina ke landaka banzambi ya nkaka ke kumisa mawa na bo mingi.+
Mono ta tiamuna ve ata fioti makabu na bo ya malafu ya menga,Mpi munoko na mono ta tanga ve bazina na bo.+
5 Yehowa kele dikabu na mono, kimvwama na mono,+ mpi dikopa na mono.+
Nge ke taninaka dikabu na mono.
6 Bo me tesilaka mono bisika ya kitoko.
Ee, mono ke vandaka na kiese na dikabu na mono.+
7 Mono ta kumisa Yehowa, yina me pesa mono ndongisila.+
Ata na mpimpa, bangindu na mono ya kati kibeni* ke sungika mono.+
8 Mono ke tulaka Yehowa na ntwala na mono ntangu yonso.+
Sambu yandi kele na diboko na mono ya kitata, mono ta nikana ve* ata fioti.+
9 Yo yina ntima na mono ke yangalala, mono* kele na kiese kibeni.
Mpi mono* ke zinga na lutaninu.
10 Sambu nge ta bika mono ve* na Maziamu.*+
Nge ta bika ve nde muntu na nge ya kwikama kumona dibulu.*+
11 Nge me songaka mono nzila ya luzingu.+
Kiese ya mingi kele na ntwala na nge;*+Kiese* kele kimakulu na diboko na nge ya kitata.
Banoti na nsi ya lutiti
^ Tala Bantendula ya Bangogo.
^ To “mawi na mono ya kati kibeni.” Na kisina, “bapiku na mono.”
^ To “ta tambula ve na lunziungu.”
^ Na kisina, “nkembo na mono.”
^ To “nsuni na mono.”
^ To “ta yambula ve moyo na mono.”
^ To “Sheole,” disongidila, maziamu ya bantu yonso. Tala Bantendula ya Bangogo.
^ To mbala ya nkaka, “kumona kupola.”
^ Na kisina, “na luse na nge.”
^ To “Kitoko.”
