Nkunga 29:1-11
Nkunga ya Davidi.
29 Beno pesa Yehowa yina me fwana na yandi, beno bana ya bantu ya ngolo,Beno pesa Yehowa yina me fwana na yandi sambu na nkembo mpi ngolo na yandi.+
2 Beno pesa Yehowa nkembo yina me fwana na zina na yandi.
Beno fukama na ntwala ya* Yehowa ti bilele ya santu.*
3 Ndinga ya Yehowa ke wakana na zulu ya bamasa;Nzambi ya nkembo ke ngana bonso nzasi.+
Yehowa kele na zulu ya bamasa mingi.+
4 Ndinga ya Yehowa kele ngolo;+Ndinga ya Yehowa kele ya nkembo.
5 Ndinga ya Yehowa ke bwisa banti ya sedre;Ee, Yehowa ke zenga-zenga banti ya sedre ya Libani.+
6 Yandi ke pumbusa Libani* bonso mwana-ngombe,Mpi Sirioni+ bonso mwana-mpakasa ya bakala.
7 Ndinga ya Yehowa ke basisa baludimi ya tiya;+
8 Ndinga ya Yehowa ke nikisa ntoto-makanga;+Yehowa ke nikisa ntoto-makanga ya Kadeshi.+
9 Ndinga ya Yehowa ke nikisa mpi ke butisa kabulukuMpi ke bikisa bamfinda kinkonga.+
Mpi bayina yonso kele na tempelo na yandi ke tuba nde: “Nkembo!”
10 Yehowa me vanda na kiti ya kimfumu na zulu ya bamasa mingi;*+Yehowa me vanda na kiti ya kimfumu bonso Ntotila kimakulu.+
11 Yehowa ta pesa bantu na yandi ngolo.+
Yehowa ta sakumuna bantu na yandi mpi ta pesa bo ngemba.+
Banoti na nsi ya lutiti
^ To “Beno sambila.”
^ To mbala ya nkaka, “sambu na lukumu ya busantu na yandi.”
^ Yo ke monana nde yo kele ndonga ya bangumba ya Libani.
^ To “nzadi-mungwa ya zulu.”
