Nkunga 30:1-12
-
Kudila me kuma kiese
-
Nzambi ke monisilaka muntu ntima ya mbote luzingu ya mvimba (5)
-
Miziki. Nkunga ya kuyantika kusadila nzo. Ya Davidi.
30 Mono ta pesa nge nkembo, O Yehowa, sambu nge me tombula* mono;Nge me bika ve nde bambeni na mono kuwa kiese sambu na mpasi na mono.+
2 O Yehowa Nzambi na mono, mono didilaka nge sambu na kulomba lusadisu, mpi nge belulaka mono.+
3 O Yehowa, nge me tombula mono* na Maziamu.*+
Nge bikaka mono na luzingu; nge taninaka mono sambu mono bwa ve na dibulu.*+
4 Beno yimba bankunga* sambu na kukumisa Yehowa, beno bantu na yandi ya kwikama,+Beno pesa matondo na zina na yandi ya santu;*+
5 Sambu yandi ke wilaka muntu makasi kaka sambu na ntangu fioti,+Kansi yandi ke monisilaka muntu ntima ya mbote* luzingu ya mvimba.+
Kudila lenda kwisa na nkokila, kansi milolo ya kiese ta vanda na suka.+
6 Ntangu mono vandaka kudiyangisa ve, mono tubaka nde:
“Mono ta nikana ve* ata fioti.”
7 O Yehowa, ntangu nge vandaka kumonisila mono ntima ya mbote,* nge kumisaka mono ngolo bonso ngumba.+
Kansi ntangu nge bumbaka luse na nge, mono kumaka kutekita.+
8 Mono landaka kubinga nge, O Yehowa;+Mpi mono landaka kubondila Yehowa sambu yandi monisila mono ntima ya mbote.
9 Inki mambote kele na lufwa* na mono, awa ya mono ke kulumuka na di- bulu?*+
Keti mfututu ta kumisa nge?+ Keti yo ta zabisa kwikama na nge?+
10 Wa, O Yehowa, mpi wila mono mawa.+
O Yehowa, kuma nsadisi na mono.+
11 Nge me kumisa mawa na mono makinu;Nge me katula saki ya mono lwataka, mpi nge me lwatisa mono kiese,
12 Sambu mono yimba* nkunga ya kukumisa nge mpi mono vanda ve pima.
O Yehowa Nzambi na mono, mono ta kumisa nge kimakulu.
Banoti na nsi ya lutiti
^ To “me benda.”
^ To “moyo na mono.”
^ To “Sheole,” disongidila, maziamu ya bantu yonso. Tala Bantendula ya Bangogo.
^ To “maziamu.”
^ To “bula miziki.”
^ Na kisina, “Beno yibuka busantu na yandi mpi beno pesa matondo na zina na yandi.”
^ To “luzolo ya mbote.”
^ To “ta tambula ve na lunziungu.”
^ To “luzolo ya mbote.”
^ Na kisina, “menga.”
^ To “maziamu.”
^ To “Sambu nkembo na mono kuyimba.”
