Nkunga 32:1-11
Ya Davidi. Maskile.*
32 Kiese na muntu yina bo me lolula mbi na yandi, yina bo me fika* disumu na yandi.+
2 Kiese na muntu yina Yehowa me tuba ve nde yandi me nata makambu,+Mpi yina mpeve na yandi ke kusaka ve.
3 Ntangu mono vandaka pima, mikwa na mono lembaka sambu mono vandaka kudila kilumbu ya mvimba.+
4 Sambu mpimpa ti mwini diboko* na nge vandaka kizitu na zulu na mono.+
Ngolo na mono yumaka* mutindu masa ke yumaka na mwini ya musibu. (Sela)
5 Nsuka-nsuka mono fungunaka disumu na mono na nge;Mono fikaka ve kifu na mono.+
Mono tubaka nde: “Mono ta funguna mambi na mono na Yehowa.”+
Mpi nge lolulaka kifu ya masumu na mono.+ (Sela)
6 Yo yina konso muntu ya kwikama ta samba nge+Ntangu yina bo lenda mona nge.+
Ebuna ata masa ya mvula ya ngolo ta simba yandi ve.
7 Nge kele kisika ya kubumbana sambu na mono;Nge ta tanina mono na bampasi.+
Nge ta ziunga mono na milolo ya kiese ya luguluku.+ (Sela)
8 “Mono ta pesa nge mayele ya kubakisa mambu mbote-mbote mpi ta longa nge nzila yina nge fwete kwenda.+
Mono ta pesa nge ndongisila ntangu disu na mono ke tala nge.+
9 Kukuma ve bonso mpunda to mpunda ya bitumba, yina me konda mayele ya kubakisa mambu,+Yina bo fwete tula nsinga na munoko na yo sambu na kuyala mubulu na yoNa ntwala nde yo kwisa pene-pene na nge.”
10 Bampasi ya muntu ya mbi kele mingi;Kansi muntu yina ke tulaka ntima na Yehowa, zola na yandi ya kwikama ke ziungaka yandi.+
11 Beno wa kiese na Yehowa mpi beno yangalala, beno bantu ya lunungu;Beno tula milolo ya kiese, beno yonso bantu ya kele ntima ya kusu- ngama.
Banoti na nsi ya lutiti
^ Tala Bantendula ya Bangogo.
^ To “lolula.”
^ To “makasi.”
^ To “Masa ya luzingu na mono sobaka.”
